مہرباں ہو کے بلا لو مجھے چاہو جس وقت — مرزا غالب
شاعر
مہرباں ہو کے بلا لو مجھے چاہو جس وقت
مہرباں ہو کے بلا لو مجھے چاہو جس وقت
میں گیا وقت نہیں ہوں کہ پھر آ بھی نہ سکوں
ضعف میں طعنہ اغیار کا شکوہ کیا ہے
بات کچھ سر تو نہیں ہے کہ اٹھا بھی نہ سکوں
زہر ملتا ہی نہیں مجھ کو ستم گر ورنہ
کیا قسم ہے ترے ملنے کی کہ کھا بھی نہ سکوں
اس قدر ضبط کہاں ہے کبھی آ بھی نہ سکوں
ستم اتنا تو نہ کیجے کہ اٹھا بھی نہ سکوں
لگ گئی آگ اگر گھر کو تو اندیشہ کیا
شعلۂ دل تو نہیں ہے کہ بجھا بھی نہ سکوں
تم نہ آؤ گے تو مرنے کی ہیں سو تدبیریں
موت کچھ تم تو نہیں ہو کہ بلا بھی نہ سکوں
ہنس کے بلوائیے مٹ جائے گا سب دل کا گلہ
کیا تصور ہے تمہارا کہ مٹا بھی نہ سکوں
Meharban ho ke bula lo mujhe chaho jis waqt
Meharban ho ke bula lo mujhe chaho jis waqt
Main gaya waqt nahin hoon ke phir aa bhi na sakoon
Zaf mein taana-e-aghyar ka shikwa kya hai
Baat kuch sar to nahin hai ke utha bhi na sakoon
Zehar milta hi nahin mujh ko sitamgar warna
Kya qasam hai tere milne ki ke kha bhi na sakoon
Is qadar zabt kahan hai kabhi aa bhi na sakoon
Sitam itna to na keeje ke utha bhi na sakoon
Lag gayi aag agar ghar ko to andesha kya
Shola-e-dil to nahin hai ke bujha bhi na sakoon
Tum na aao ge to marne ki hain sau tadbeerein
Maut kuch tum to nahin ho ke bula bhi na sakoon
Hans ke bulwaiye mit jaayega sab dil ka gila
Kya tasawwur hai tumhara ke mita bhi na sakoon
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں