مژدہ اے ذوق اسیری کہ نظر آتا ہے — مرزا غالب
شاعر
مژدہ اے ذوق اسیری کہ نظر آتا ہے
مژدہ اے ذوق اسیری کہ نظر آتا ہے
دام خالی قفس مرغ گرفتار کے پاس
جگر تشنۂ آزار تسلی نہ ہوا
جوئے خوں ہم نے بہائی بن ہر خار کے پاس
مند گئیں کھولتے ہی کھولتے آنکھیں ہے ہے
خوب وقت آئے تم اس عاشق بیمار کے پاس
میں بھی رک رک کے نہ مرتا جو زباں کے بدلے
دشنہ اک تیز سا ہوتا مرے غم خوار کے پاس
دہن شیر میں جا بیٹھے لیکن اے دل
نہ کھڑے ہو جیے خوبان دل آزار کے پاس
دیکھ کر تجھ کو چمن بسکہ نمو کرتا ہے
خود بہ خود پہنچے ہے گل گوشۂ دستار کے پاس
مر گیا پھوڑ کے سر غالبؔ وحشی ہے ہے
بیٹھنا اس کا وہ آ کر تری دیوار کے پاس
Muzhda ai zauq-e-asīrī ki nazar aata hai
Muzhda ai zauq-e-asīrī ki nazar aata hai
Daam khaali qafas-e-murgh-e-giriftaar ke paas
Jigar-tishna-e-aazaar tasallii na hu.aa
Juu-e-kho.n ham ne bahaa.ii ban har khaar ke paas
Mand ga.ii.n kholte hii kholte aa.nkhe.n hai hai
Khub waqt aaye tum us aashiq-e-bīmaar ke paas
Mai.n bhii ruk ruk ke na marta jo zabaa.n ke badle
Dashna ek tez saa hota mere gham-khwaar ke paas
Dahan-e-sheer me.n jaa baiThhe lekin ai dil
Na kha.De ho jiye khuu.baa.n-e-dil-aazaar ke paas
Dekh kar tujh ko chaman bas-ke numuu kartaa hai
Khud ba-khud pahu.nche hai gul gosha-e-dastaar ke paas
Mar gaya pho.D ke sar Ghalib-e-wahshī hai hai
BaiThnaa us ka wo aa kar tirii dīwaar ke paas
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں