نہ گل نغمہ ہوں نہ پردۂ ساز — مرزا غالب
شاعر
نہ گل نغمہ ہوں نہ پردۂ ساز
نہ گل نغمہ ہوں نہ پردۂ ساز
میں ہوں اپنی شکست کی آواز
تو اور آرائش خم کاکل
میں اور اندیشہ ہائے دور دراز
لاف تمکیں فریب سادہ دلی
ہم ہیں اور راز ہائے سینہ گداز
ہوں گرفتار الفت صیاد
ورنہ باقی ہے طاقت پرواز
وہ بھی دن ہو کہ اس ستم گر سے
ناز کھینچوں بجائے حسرت ناز
نہیں دل میں مرے وہ قطرۂ خوں
جس سے مژگاں ہوئی نہ ہو گلباز
اے ترا غمزہ یک قلم انگیز
اے ترا ظلم سر بہ سر انداز
تو ہوا جلوہ گر مبارک ہو
ریزش سجدۂ جبین نیاز
مجھ کو پوچھا تو کچھ غضب نہ ہوا
میں غریب اور تو غریب نواز
اسدؔ اللہ خاں تمام ہوا
اے دریغا وہ رند شاہد باز
Na gul-e-naghma huu.n na parda-e-saaz
Na gul-e-naghma huu.n na parda-e-saaz
Mai.n huu.n apnii shikast kii aawaaz
Tuu aur aaraa.ish-e-kham-e-kaakul
Mai.n aur andesha-haaye duur-daraaz
Laaf-e-tamkeen-e-fareb-e-saada-dilī
Ham hai.n aur raaz-haaye-e-seena-gudaaz
Huu.n giriftaar-e-ulfat-e-sayyaad
Warna baaqī hai taaqat-e-parwaaz
Wo bhii din ho ki us sitam-gar se
Naaz khe.nchu.n bajaaye hasrat-e-naaz
Nahī.n dil me.n mere wo qatra-e-kho.n
Jis se mizhgaa.n hu.ii na ho gulbaaz
Ai teraa ghamza yak-qalam angez
Ai teraa zulm sar-ba-sar andaaz
Tuu hu.aa jalwa-gar mubarak ho
Rezish-e-sajda-e-jabīn-e-niyaaz
Mujh ko puuchhaa to kuchh ghazab na hu.aa
Mai.n ghareeb aur tuu ghareeb-nawaaz
Asadullah Khaa.n tamaam hu.aa
Ai darighaa wo rind-e-shaahid-baaz
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں