نہ ہوگا یک بیاباں ماندگی سے ذوق کم میرا — مرزا غالب
شاعر
نہ ہوگا یک بیاباں ماندگی سے ذوق کم میرا
نہ ہوگا یک بیاباں ماندگی سے ذوق کم میرا
حباب موجۂ رفتار ہے نقش قدم میرا
محبت تھی چمن سے لیکن اب یہ بے دماغی ہے
کہ موج بوئے گل سے ناک میں آتا ہے دم میرا
رہ خوابیدہ تھی گردن کش یک درس آگاہی
زمیں کو سیلئ استاد ہے نقش قدم میرا
سراغ آوارۂ عرض دو عالم شور محشر ہوں
پرافشاں ہے غبار آں سوئے صحرائے عدم میرا
ہوائے صبح یک عالم گریباں چاکی گل ہے
دہان زخم پیدا کر اگر کھاتا ہے غم میرا
نہ ہو وحشت کش درس سراب سطر آگاہی
میں گرد راہ ہوں بے مدعا ہے پیچ و خم میرا
اسدؔ وحشت پرست گوشۂ تنہائی دل ہے
برنگ موج مے خمیازۂ ساغر ہے رم میرا
Na hogaa yak bayaabaa.n-maa.ndagii se zauq kam meraa
Na hogaa yak bayaabaa.n-maa.ndagii se zauq kam meraa
Habaab-e-mauj-e-raftaar hai naqsh-e-qadam meraa
Mohabbat thii chaman se lekin ab ye be-dimaaghii hai
Ki mauj-e-bu-e-gul se naak me.n aata hai dam meraa
Rah-e-khwaabīda thii gardan-kash-e-yak-dars-e-aagahī
Zamīn ko siila-e-ustaad hai naqsh-e-qadam meraa
Suraagh-e-aawara-e-arz-e-do-aalam shor-e-mahshar huu.n
Prafishaa.n hai ghubaar aa.n su-e-sahra-e-adam meraa
Hawaa-e-subh-e-yak-aalam garebaa.n-chaakī-e-gul hai
Dahaa.n-e-zakhm paidaa kar agar khaataa hai gham meraa
Na ho wahshat-kash-e-dars-e-saraab-e-satr-e-aagahii
Mai.n gard-e-raah huu.n be-mudda.aa hai pech-o-kham meraa
Asad wahshat-parast gosha-e-tanhaa.ii-e-dil hai
Ba-rang-e-mauj-e-mai-e-khamyaaza-e-saaghar hai ram meraa
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں