نہ ہوئی گر مرے مرنے سے تسلی نہ سہی — مرزا غالب
شاعر
نہ ہوئی گر مرے مرنے سے تسلی نہ سہی
نہ ہوئی گر مرے مرنے سے تسلی نہ سہی
امتحاں اور بھی باقی ہو تو یہ بھی نہ سہی
خار خار الم حسرت دیدار تو ہے
شوق گلچین گلستان تسلی نہ سہی
مے پرستاں خم مے منہ سے لگائے ہی بنے
ایک دن گر نہ ہوا بزم میں ساقی نہ سہی
نفس قیس کہ ہے چشم و چراغ صحرا
گر نہیں شمع سیہ خانۂ لیلی نہ سہی
ایک ہنگامہ پہ موقوف ہے گھر کی رونق
نوحۂ غم ہی سہی نغمۂ شادی نہ سہی
نہ ستائش کی تمنا نہ صلے کی پروا
گر نہیں ہیں مرے اشعار میں معنی نہ سہی
عشرت صحبت خوباں ہی غنیمت سمجھو
نہ ہوئی غالبؔ اگر عمر طبیعی نہ سہی
Na hu.ii gar mere marne se tasallii na sahī
Na hu.ii gar mere marne se tasallii na sahī
Imtihaa.n aur bhii baaqii ho to ye bhii na sahī
Khaar khaar-e-alam-e-hasrat-e-diidaar to hai
Shauq-e-gulchī.n-e-gulistaa.n tasallī na sahī
Mai-parastaa.n khum-e-mai mu.nh se lagaaye hii bane
Ek din gar na hu.aa bazm me.n saaqī na sahī
Nafas-e-Qais ki hai chashm-o-chiraagh-e-sahraa
Gar nahī.n shama-e-siyah-khaana-e-Lailaa na sahī
Ek ha.ngaama pe mauquuf hai ghar kī raunaq
Nauha-e-gham hii sahī naghma-e-shaadī na sahī
Na sitaa.ish kī tamannaa na sile kī parwaa
Gar nahī.n hai.n mere ash.aar me.n ma.anii na sahī
Ishrat-e-sohbat-e-khuubaa.n hii ghaniimat samjho
Na hu.ii Ghalib agar umr-e-tabī.ī na sahī
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں