نالہ جز حسن طلب اے ستم ایجاد نہیں — مرزا غالب
شاعر
نالہ جز حسن طلب اے ستم ایجاد نہیں
نالہ جز حسن طلب اے ستم ایجاد نہیں
ہے تقاضائے جفا شکوۂ بیداد نہیں
عشق و مزدوری عشرت گہ خسرو کیا خوب
ہم کو تسلیم نکو نامی فرہاد نہیں
کم نہیں وہ بھی خرابی میں پہ وسعت معلوم
دشت میں ہے مجھے وہ عیش کہ گھر یاد نہیں
اہل بینش کو ہے طوفان حوادث مکتب
لطمۂ موج کم از سیلئ استاد نہیں
وائے محرومی تسلیم و بدا حال وفا
جانتا ہے کہ ہمیں طاقت فریاد نہیں
رنگ تمکین گل و لالہ پریشاں کیوں ہے
گر چراغان سر رہ گزر باد نہیں
سبد گل کے تلے بند کرے ہے گلچیں
مژدہ اے مرغ کہ گلزار میں صیاد نہیں
نفی سے کرتی ہے اثبات تراوش گویا
دی ہے جائے دہن اس کو دم ایجاد نہیں
کم نہیں جلوہ گری میں ترے کوچے سے بہشت
یہی نقشہ ہے ولے اس قدر آباد نہیں
کرتے کس منہ سے ہو غربت کی شکایت غالبؔ
تم کو بے مہری یاران وطن یاد نہیں
Naala juz husn-e-talab ai sitam-iijaad nahī.n
Naala juz husn-e-talab ai sitam-iijaad nahī.n
Hai taqaaza-e-jafaa shikwa-e-bīdaad nahī.n
Ishq-o-mazduurii-e-ishrat-gah-e-khusrav kyaa khuub
Ham ko taslīm-e-nik-o-naamī-e-Farhaad nahī.n
Kam nahī.n wo bhii kharaabī me.n pe wus.at ma.alūm
Dasht me.n hai mujhe wo aish ki ghar yaad nahī.n
Ahl-e-bīnish ko hai tuufaan-e-hawaadis maktab
Latma-e-mauj kam az sīla-e-ustaad nahī.n
Waaye mahruumī-e-taslīm-o-badaa haal-e-wafaa
Jaantaa hai ki hame.n taaqat-e-faryaad nahī.n
Rang-e-tamkeen-e-gul-o-laala pareshan kyuu.n hai
Gar charaaghaa.n-e-sar-e-rah-guzar-e-baad nahī.n
Sabd-e-gul ke tale band kare hai gulchī.n
Muzhda ai murgh ki gulzaar me.n sayyaad nahī.n
Nafī se kartī hai isbaat taraawush goyaa
Dī hai jaa-e-dahan us ko dam-e-iijaad nahī.n
Kam nahī.n jalwa-garī me.n tere kuuche se bahisht
Yahī naqsha hai wale is qadar aabaad nahī.n
Karte kis mu.nh se ho gurbat kii shikaayat Ghalib
Tum ko be-mehrī-e-yaaraa.n-e-watan yaad nahī.n
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں