رہا گر کوئی تا قیامت سلامت — مرزا غالب
شاعر
رہا گر کوئی تا قیامت سلامت
رہا گر کوئی تا قیامت سلامت
پھر اک روز مرنا ہے حضرت سلامت
جگر کو مرے عشق خوں نابہ مشرب
لکھے ہے خداوند نعمت سلامت
علی الرغم دشمن شہید وفا ہوں
مبارک مبارک سلامت سلامت
نہیں گر سر و برگ ادراک معنی
تماشاۓ نیرنگ صورت سلامت
دو عالم کی ہستی پہ خط فنا کھینچ
دل و دست ارباب ہمت سلامت
نہیں گر بہ کام دل خستہ گردوں
جگر خائی جوش حسرت سلامت
نہ اوروں کی سنتا نہ کہتا ہوں اپنی
سر خستہ دشوار وحشت سلامت
وفور بلا ہے ہجوم وفا ہے
سلامت ملامت ملامت سلامت
نہ فکر سلامت نہ بیم ملامت
ز خود رفتگی ہائے حیرت سلامت
رہے غالبؔ خستہ مغلوب گردوں
یہ کیا بے نیازی ہے حضرت سلامت
Raha gar koi ta qiyamat salamat
Raha gar koi ta qiyamat salamat
Phir ek roz marna hai hazrat salamat
Jigar ko mere ishq-e-khun naba-mashrab
Likhe hai khawand-e-nemat salamat
Alar-raghm-e-dushman, shaheed-e-wafa hoon
Mubarak, mubarak, salamat, salamat
Nahin gar sar-o-barg-e-idrak-e-maani
Tamasha-e-nairang-e-surat salamat
Do aalam ki hasti pe khatt-e-fana khench
Dil-o-dast-e-arbab-e-himmat salamat
Nahin gar ba-kam-e-dil-e-khasta gardoon
Jigar khai-e-josh-e-hasrat salamat
Na auron ki sunta na kahta hoon apni
Sar-e-khasta-e-dushwar-e-wahshat salamat
Wafur-e-bala hai, hujoom-e-wafa hai
Salamat, malamat, malamat, salamat
Na fikr-e-salamat, na beem-e-malamat
Ze khud-raftagi-hay-e-hairat salamat
Rahe Ghalib-e-khasta, maghloob-e-gardoon
Ye kya be-niyazi hai hazrat salamat
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں