رشک کہتا ہے کہ اس کا غیر سے اخلاص حیف — مرزا غالب
شاعر
رشک کہتا ہے کہ اس کا غیر سے اخلاص حیف
رشک کہتا ہے کہ اس کا غیر سے اخلاص حیف
عقل کہتی ہے کہ وہ بے مہر کس کا آشنا
ذرہ ذرہ ساغر مے خانۂ نیرنگ ہے
گردش مجنوں بہ چشمک ہائے لیلیٰ آشنا
شوق ہے ساماں طراز نازش ارباب عجز
ذرہ صحرا دست گاہ و قطرہ دریا آشنا
میں اور ایک آفت کا ٹکڑا وہ دل وحشی کہ ہے
عافیت کا دشمن اور آوارگی کا آشنا
شکوہ سنج رشک ہم دیگر نہ رہنا چاہیے
میرا زانو مونس اور آئینہ تیرا آشنا
کوہ کن نقاش یک تمثال شیریں تھا اسدؔ
سنگ سے سر مار کر ہووے نہ پیدا آشنا
خود پرستی سے رہے باہم دگر نا آشنا
بیکسی میری شریک آئینہ تیرا آشنا
آتش موئے دماغ شوق ہے تیرا تپاک
ورنہ ہم کس کے ہیں اے داغ تمنا آشنا
جوہر آئینہ جز رمز سر مژگاں نہیں
آشنا کی ہم دگر سمجھے ہے ایما آشنا
ربط یک شیرازۂ وحشت ہیں اجزائے بہار
سبزہ بیگانہ صبا آوارہ گل نا آشنا
بے دماغی شکوہ سنج رشک ہم دیگر نہیں
یار تیرا جام مے خمیازہ میرا آشنا
Rashk kahta hai ke us ka ghair se ikhlas haif
Rashk kahta hai ke us ka ghair se ikhlas haif
Aql kahti hai ke wo be-mehr kis ka aashna
Zarra zarra saghar-e-mai-khana-e-nairang hai
Gardish-e-Majnun ba-chashmak-hay-e-Laila aashna
Shauq hai saman-taraz-e-nazish-e-arbab-e-ajz
Zarra sahra dastgah-o-qatra darya aashna
Main aur ek aafat ka tukda wo dil-e-wahshi ke hai
Aafiyat ka dushman aur awargi ka aashna
Shikwa-sanj-e-rashk ham digar na rahna chahiye
Mera zanu moonis aur aaina tera aashna
Koh-kan naqqash-e-yak timsal-e-Shirin tha Asad
Sang se sar maar kar howe na paida aashna
Khud-parasti se rahe baham digar na-aashna
Bekasi meri shareek aaina tera aashna
Atish-e-mu-e-dimagh-e-shauq hai tera tapak
Warna ham kis ke hain aye dagh-e-tamanna aashna
Jauhar-e-aaina juz ramz-e-sar-e-muzhgan nahin
Aashna ki ham digar samjhe hai aima aashna
Rabt-e-yak shiraza-e-wahshat hain ajza-e-bahar
Sabza begana, saba awara, gul na-aashna
Be-dimaghi shikwa-sanj-e-rashk ham digar nahin
Yaar tera jam-e-may khamyaza mera aashna
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں