رونے سے اور عشق میں بے باک ہو گئے — مرزا غالب
شاعر
رونے سے اور عشق میں بے باک ہو گئے
رونے سے اور عشق میں بے باک ہو گئے
دھوئے گئے ہم اتنے کہ بس پاک ہو گئے
صرف بہائے مے ہوئے آلات مے کشی
تھے یہ ہی دو حساب سو یوں پاک ہو گئے
رسوائے دہر گو ہوئے آوارگی سے تم
بارے طبیعتوں کے تو چالاک ہو گئے
کہتا ہے کون نالۂ بلبل کو بے اثر
پردے میں گل کے لاکھ جگر چاک ہو گئے
پوچھے ہے کیا وجود و عدم اہل شوق کا
آپ اپنی آگ کے خس و خاشاک ہو گئے
کرنے گئے تھے اس سے تغافل کا ہم گلہ
کی ایک ہی نگاہ کہ بس خاک ہو گئے
اس رنگ سے اٹھائی کل اس نے اسدؔ کی نعش
دشمن بھی جس کو دیکھ کے غم ناک ہو گئے
Rone se aur ishq mein be-bak ho gaye
Rone se aur ishq mein be-bak ho gaye
Dhoye gaye ham itne ke bas pak ho gaye
Sarfa-e-bahay-e-may hue aalat-e-may-kashi
The ye hi do hisab so yun pak ho gaye
Ruswa-e-dahar go hue awargi se tum
Baare tabeeton ke to chalak ho gaye
Kahta hai kaun nala-e-bulbul ko be-asar
Parde mein gul ke lakh jigar chak ho gaye
Poochhe hai kya wajood-o-adam ahl-e-shauq ka
Aap apni aag ke khas-o-khashak ho gaye
Karne gaye the us se taghaful ka ham gila
Ki ek hi nigah ke bas khak ho gaye
Is rang se uthai kal us ne Asad ki nash
Dushman bhi jis ko dekh ke gham-nak ho gaye
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں