رخ نگار سے ہے سوز جاودانی شمع — مرزا غالب
شاعر
رخ نگار سے ہے سوز جاودانی شمع
رخ نگار سے ہے سوز جاودانی شمع
ہوئی ہے آتش گل آب زندگانی شمع
زبان اہل زباں میں ہے مرگ خاموشی
یہ بات بزم میں روشن ہوئی زبانی شمع
کرے ہے صرف بہ ایماۓ شعلہ قصہ تمام
بہ طرز اہل فنا ہے فسانہ خوانی شمع
غم اس کو حسرت پروانہ کا ہے اے شعلے
ترے لرزنے سے ظاہر ہے نا توانی شمع
ترے خیال سے روح اہتزاز کرتی ہے
بہ جلوہ ریزی باد و بہ پر فشانی شمع
نشاط داغ غم عشق کی بہار نہ پوچھ
شگفتگی ہے شہید گل خزانی شمع
جلے ہے دیکھ کے بالین یار پر مجھ کو
نہ کیوں ہو دل پہ مرے داغ بد گمانی شمع
Rukh-e-nigar se hai soz-e-javdani shama
Rukh-e-nigar se hai soz-e-javdani shama
Hui hai atish-e-gul aab-e-zindagani shama
Zaban-e-ahl-e-zaban mein hai marg-e-khamoshi
Ye baat bazm mein roshan hui zabani shama
Kare hai sarf ba-aima-e-shola qissa tamam
Ba-tarz-e-ahl-e-fana hai fasana-khwani shama
Gham us ko hasrat-e-parwana ka hai aye shole
Tere larazne se zahir hai na-tavani shama
Tere khayal se rooh ihtizaz karti hai
Ba-jalwa-rezi-e-bad-o-ba-par-fashani shama
Nishat-e-dagh-e-gham-e-ishq ki bahar na poochh
Shiguftagi hai shaheed-e-gul-e-khazani shama
Jalte hai dekh ke baalin-e-yar par mujh ko
Na kyun ho dil pe mere dagh-e-bad-gumani shama
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں