سادگی پر اس کی مر جانے کی حسرت دل میں ہے — مرزا غالب
شاعر
سادگی پر اس کی مر جانے کی حسرت دل میں ہے
سادگی پر اس کی مر جانے کی حسرت دل میں ہے
بس نہیں چلتا کہ پھر خنجر کف قاتل میں ہے
دیکھنا تقریر کی لذت کہ جو اس نے کہا
میں نے یہ جانا کہ گویا یہ بھی میرے دل میں ہے
گرچہ ہے کس کس برائی سے ولے باایں ہمہ
ذکر میرا مجھ سے بہتر ہے کہ اس محفل میں ہے
بس ہجوم ناامیدی خاک میں مل جائے گی
یہ جو اک لذت ہماری سعیٔ بے حاصل میں ہے
رنج رہ کیوں کھینچیے واماندگی کو عشق ہے
اٹھ نہیں سکتا ہمارا جو قدم منزل میں ہے
جلوہ زار آتش دوزخ ہمارا دل سہی
فتنۂ شور قیامت کس کے آب و گل میں ہے
ہے دل شوریدۂ غالبؔ طلسم پیچ و تاب
رحم کر اپنی تمنا پر کہ کس مشکل میں ہے
Saadgi par us ki mar jaane ki hasrat dil mein hai
Saadgi par us ki mar jaane ki hasrat dil mein hai
Bas nahin chalta ke phir khanjar kaf-e-qatil mein hai
Dekhna taqreer ki lazzat ke jo us ne kaha
Main ne ye jaana ke goya ye bhi mere dil mein hai
Garche hai kis kis burai se wale ba-in hama
Zikr mera mujh se behtar hai ke us mahfil mein hai
Bas hujoom-e-na-umeedi khak mein mil jayegi
Ye jo ek lazzat hamari sayi-e-be-hasil mein hai
Ranj-e-rah kyun khainchiye, wamandagi ko ishq hai
Uth nahin sakta hamara jo qadam manzil mein hai
Jalwa-zar-e-atish-e-dozakh hamara dil sahi
Fitna-e-shor-e-qiyamat kis ke aab-o-gil mein hai
Hai dil-e-shorida Ghalib, tilism-e-pech-o-tab
Rehm kar apni tamanna par ke kis mushkil mein hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں