سرگشتگی میں عالم ہستی سے یاس ہے — مرزا غالب
شاعر
سرگشتگی میں عالم ہستی سے یاس ہے
سرگشتگی میں عالم ہستی سے یاس ہے
تسکیں کو دے نوید کہ مرنے کی آس ہے
لیتا نہیں مرے دل آوارہ کی خبر
اب تک وہ جانتا ہے کہ میرے ہی پاس ہے
کیجیے بیاں سرور تپ غم کہاں تلک
ہر مو مرے بدن پہ زبان سپاس ہے
ہے وہ غرور حسن سے بیگانۂ وفا
ہرچند اس کے پاس دل حق شناس ہے
پی جس قدر ملے شب مہتاب میں شراب
اس بلغمی مزاج کو گرمی ہی راس ہے
ہر اک مکان کو ہے مکیں سے شرف اسدؔ
مجنوں جو مر گیا ہے تو جنگل اداس ہے
کیا غم ہے اس کو جس کا علیؔ سا امام ہو
اتنا بھی اے فلک زدہ کیوں بد حواس ہے
Sarghashtagi mein aalam-e-hasti se yaas hai
Sarghashtagi mein aalam-e-hasti se yaas hai
Taskeen ko de naveed ke marne ki aas hai
Leta nahin mere dil-e-awara ki khabar
Ab tak wo janta hai ke mere hi paas hai
Kijiye bayan suroor-e-tapp-e-gham kahan talak
Har moo mere badan pe zaban-e-sipas hai
Hai wo ghuroor-e-husn se begana-e-wafa
Harchand us ke paas dil-e-haq-shinas hai
Pi jis qadar mile shab-e-mahtab mein sharab
Is balghami mizaj ko garmi hi raas hai
Har ek makan ko hai makeen se sharaf Asad
Majnun jo mar gaya hai to jangal udas hai
Kya gham hai us ko jis ka Ali sa imam ho
Itna bhi aye falak-zada kyun bad-hawas hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں