شب خمار شوق ساقی رستخیز اندازہ تھا — مرزا غالب
شاعر
شب خمار شوق ساقی رستخیز اندازہ تھا
شب خمار شوق ساقی رستخیز اندازہ تھا
تامحیط بادہ صورت خانۂ خمیازہ تھا
یک قدم وحشت سے درس دفتر امکاں کھلا
جادہ اجزائے دو عالم دشت کا شیرازہ تھا
مانع وحشت خرامی ہائے لیلیٰ کون ہے
خانۂ مجنون صحراگرد بے دروازہ تھا
پوچھ مت رسوائی انداز استغنائے حسن
دست مرہون حنا رخسار رہن غازہ تھا
نالۂ دل نے دیے اوراق لخت دل بہ باد
یادگار نالہ اک دیوان بے شیرازہ تھا
ہوں چراغان ہوس جوں کاغذ آتش زدہ
داغ گرم کوشش ایجاد داغ تازہ تھا
بے نوائی تر صداۓ نغمۂ شہرت اسدؔ
بوریا یک نیستاں عالم بلند آوازہ تھا
Shab-e-khumar-e-shauq-e-saqi rastkhez-andaza tha
Shab-e-khumar-e-shauq-e-saqi rastkhez-andaza tha
Ta-muheet-e-baada surat-khana-e-khamyaza tha
Yak qadam wahshat se dars-e-daftar-e-imkan khula
Jada-e-ajza-e-do aalam dasht ka shiraza tha
Mane-e-wahshat-kharami-hay-e-Laila kaun hai
Khana-e-Majnun sahra-gard be-darwaza tha
Poochh mat ruswaai-e-andaz-e-istighna-e-husn
Dast marhoon-e-hinna rukhsaar rahn-e-ghaza tha
Nala-e-dil ne diye awraq-e-lakht-e-dil ba-baad
Yaadgar-e-nala ek diwan-e-be-shiraza tha
Hoon chiraghan-e-hawas joon kaghaz-e-atish-zada
Dagh-e-garm-e-koshish-e-eejad-e-dagh-e-taza tha
Be-nawai tar sada-e-naghma-e-shohrat Asad
Boriya yak naistan-e-alam buland-awaza tha
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں