شب کہ وہ مجلس فروز خلوت ناموس تھا — مرزا غالب
شاعر
شب کہ وہ مجلس فروز خلوت ناموس تھا
شب کہ وہ مجلس فروز خلوت ناموس تھا
رشتۂ ہر شمع خار کسوت فانوس تھا
مشہد عاشق سے کوسوں تک جو اگتی ہے حنا
کس قدر یارب ہلاک حسرت پا بوس تھا
حاصل الفت نہ دیکھا جز شکست آرزو
دل بہ دل پیوستہ گویا یک لب افسوس تھا
کیا کہوں بیماریٔ غم کی فراغت کا بیاں
جو کہ کھایا خون دل بے منت کیموس تھا
بت پرستی ہے بہار نقش بند یہائے دہر
ہر صریر خامہ میں یک نالۂ ناقوس تھا
طبع کی واشد نے رنگ یک گلستاں گل کیا
یہ دل وابستہ گویا بیضۂ طاؤس تھا
کل اسدؔ کو ہم نے دیکھا گوشۂ غم خانہ میں
دست برسر سر بزانوئے دل مایوس تھا
Shab ke wo majlis-furoz-e-khalwat-e-namoos tha
Shab ke wo majlis-furoz-e-khalwat-e-namoos tha
Rishta-e-har shama khar-e-kiswat-e-fanoos tha
Mashhad-e-ashiq se koson tak jo ugti hai hinna
Kis qadar Ya Rab halak-e-hasrat-e-pa-bos tha
Hasil-e-ulfat na dekha juz shikast-e-arzoo
Dil ba dil paiwasta goya yak lab-e-afsos tha
Kya kahoon beemari-e-gham ki faraghat ka bayan
Jo ke khaya khoon-e-dil be-minnat-e-kimoos tha
But-parasti hai bahar-e-naqsh-band-e-yahay-e-dahar
Har sareer-e-khama mein yak nala-e-naqoos tha
Tab'a ki washad ne rang-e-yak gulistan gul kiya
Ye dil-e-wabasta goya baiza-e-taoose tha
Kal Asad ko ham ne dekha gosha-e-gham-khana mein
Dast bar sar ba-zanu-e-dil mayoos tha
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں