تپش سے میری وقف کشمکش ہر تار بستر ہے — مرزا غالب
شاعر
تپش سے میری وقف کشمکش ہر تار بستر ہے
تپش سے میری وقف کشمکش ہر تار بستر ہے
مرا سر رنج بالیں ہے مرا تن بار بستر ہے
سرشک سر بہ صحرا دادہ نور العین دامن ہے
دل بے دست و پا افتادہ بر خوردار بستر ہے
خوشا اقبال رنجوری عیادت کو تم آئے ہو
فروغ شمع بالیں طالع بیدار بستر ہے
بہ طوفاں گاہ جوش اضطراب شام تنہائی
شعاع آفتاب صبح محشر تار بستر ہے
ابھی آتی ہے بو بالش سے اس کی زلف مشکیں کی
ہماری دید کو خواب زلیخا عار بستر ہے
کہوں کیا دل کی کیا حالت ہے ہجر یار میں غالب
کہ بیتابی سے ہر یک تار بستر خار بستر ہے
Tapish se meri waqif kashmakash-e-har tar-e-bistar hai
Tapish se meri waqif kashmakash-e-har tar-e-bistar hai
Mera sar-e-ranj-e-balin hai mera tan baar-e-bistar hai
Sarashk-e-sar ba-sahra-dada noor-ul-ain daman hai
Dil-e-be-dast-o-pa aftada bar khurdar-e-bistar hai
Khusha Iqbal-e-ranjoori iyadat ko tum aaye ho
Furogh-e-shama-e-balin taley-e-bedar-e-bistar hai
Ba-toofan-gah-e-josh-e-iztirab-e-sham-e-tanhai
Shua-e-aaftab-e-subh-e-mahshar tar-e-bistar hai
Abhi aati hai bu baalish se us ki zulf-e-mushkeen ki
Hamari deed ko khwab-e-Zulaikha aar-e-bistar hai
Kahoon kya dil ki kya halat hai hijr-e-yar mein Ghalib
Ke betaabi se har yak tar-e-bistar khar-e-bistar hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں