تو دوست کسو کا بھی ستم گر نہ ہوا تھا — مرزا غالب
شاعر
تو دوست کسو کا بھی ستم گر نہ ہوا تھا
تو دوست کسو کا بھی ستم گر نہ ہوا تھا
اوروں پہ ہے وہ ظلم کہ مجھ پر نہ ہوا تھا
چھوڑا مہ نخشب کی طرح دست قضا نے
خورشید ہنوز اس کے برابر نہ ہوا تھا
توفیق باندازۂ ہمت ہے ازل سے
آنکھوں میں ہے وہ قطرہ کہ گوہر نہ ہوا تھا
جب تک کہ نہ دیکھا تھا قد یار کا عالم
میں معتقد فتنۂ محشر نہ ہوا تھا
میں سادہ دل آرزدگئ یار سے خوش ہوں
یعنی سبق شوق مکرر نہ ہوا تھا
دریائے معاصی تنک آبی سے ہوا خشک
میرا سر دامن بھی ابھی تر نہ ہوا تھا
جاری تھی اسدؔ داغ جگر سے مری تحصیل
آتش کدہ جاگیر سمندر نہ ہوا تھا
Tu dost kisoo ka bhi sitam-gar na hua tha
Tu dost kisoo ka bhi sitam-gar na hua tha
Auron pe hai woh zulm ki mujh par na hua tha
Chhora mah-e-nakshab ki tarah dast-e-qaza ne
Khurshid hanooz us ke barabar na hua tha
Taufiq ba-andaza-e-himmat hai azal se
Aankhon mein hai woh qatra ki gauhar na hua tha
Jab tak ki na dekha tha qadd-e-yaar ka alam
Main mu'taqid-e-fitna-e-mahshar na hua tha
Main sada dil aarzoo-e-yaar se khush hoon
Yaani sabaq-e-shauq mukarrar na hua tha
Darya-e-ma'asi tanak aabi se hua khushk
Mera sar-e-daaman bhi abhi tar na hua tha
Jaari thi Asad daagh-e-jigar se meri tehseel
Aatish-kada jaageer-e-samandar na hua tha
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں