تم اپنے شکوے کی باتیں نہ کھود کھود کے پوچھو — مرزا غالب
شاعر
تم اپنے شکوے کی باتیں نہ کھود کھود کے پوچھو
تم اپنے شکوے کی باتیں نہ کھود کھود کے پوچھو
حذر کرو مرے دل سے کہ اس میں آگ دبی ہے
دلا یہ درد و الم بھی تو مغتنم ہے کہ آخر
نہ گریۂ سحری ہے نہ آہ نیم شبی ہے
نظر بہ نقص گدایاں کمال بے ادبی ہے
کہ خار خشک کو بھی دعواۓ چمن نسبی ہے
ہوا وصال سے شوق دل حریص زیادہ
لب قدح پہ کف بادہ جوش تشنہ لبی ہے
خوشا وہ دل کہ سراپا طلسم بے خبری ہو
جنون و یاس و الم رزق مدعا طلبی ہے
چمن میں کس کے یہ برہم ہوئی ہے بزم تماشا
کہ برگ برگ سمن شیشہ ریزۂ حلبی ہے
امام ظاہر و باطن امیر صورت و معنی
علیؔ ولی اسداللہ جانشین نبی ہے
Tum apne shikwe ki baatein na khod khod ke poocho
Tum apne shikwe ki baatein na khod khod ke poocho
Hazar karo mere dil se ki is mein aag dabi hai
Dila yeh dard-o-alam bhi to moghtanam hai ki akhir
Na girya-e-sahari hai na aah-e-neem shabi hai
Nazar ba naqs-e-gadayan kamal-e-be-adabi hai
Ki khaar-e-khushk ko bhi da'wa-e-chaman nasabi hai
Hua visal se shauq-e-dil haris zyada
Lab-e-qadah pe kaf-e-bada josh-e-tishna labi hai
Khusha woh dil ki sarapa tilism-e-be-khabari ho
Junoon-o-yaas-o-alam rizq-e-muddaa talabi hai
Chaman mein kis ke yeh barham hui hai bazm-e-tamasha
Ki barg barg-e-saman shisha-reza-e-Halabi hai
Imam-e-zahir-o-baatin, ameer-e-soorat-o-maani
Ali, wali, Asadullah, jaan-nasheen-e-Nabi hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں