زخم پر چھڑکیں کہاں طفلان بے پروا نمک — مرزا غالب
شاعر
زخم پر چھڑکیں کہاں طفلان بے پروا نمک
زخم پر چھڑکیں کہاں طفلان بے پروا نمک
کیا مزہ ہوتا اگر پتھر میں بھی ہوتا نمک
گرد راہ یار ہے سامان ناز زخم دل
ورنہ ہوتا ہے جہاں میں کس قدر پیدا نمک
مجھ کو ارزانی رہے تجھ کو مبارک ہوجیو
نالۂ بلبل کا درد اور خندۂ گل کا نمک
شور جولاں تھا کنار بحر پر کس کا کہ آج
گرد ساحل ہے بہ زخم موجۂ دریا نمک
داد دیتا ہے مرے زخم جگر کی واہ واہ
یاد کرتا ہے مجھے دیکھے ہے وہ جس جا نمک
چھوڑ کر جانا تن مجروح عاشق حیف ہے
دل طلب کرتا ہے زخم اور مانگے ہیں اعضا نمک
غیر کی منت نہ کھینچوں گا پے توفیر درد
زخم مثل خندۂ قاتل ہے سر تا پا نمک
یاد ہیں غالبؔ تجھے وہ دن کہ وجد ذوق میں
زخم سے گرتا تو میں پلکوں سے چنتا تھا نمک
اس عمل میں عیش کی لذت نہیں ملتی اسدؔ
زور نسبت مے سے رکھتا ہے اضارا کا نمک
Zakhm par chhidkein kahan tiflan-e-be-parwa namak
Zakhm par chhidkein kahan tiflan-e-be-parwa namak
Kya maza hota agar patthar mein bhi hota namak
Gard-e-rah-e-yaar hai saman-e-naaz-e-zakhm-e-dil
Warna hota hai jahan mein kis qadar paida namak
Mujh ko arzani rahe tujh ko mubarak ho jiyo
Nala-e-bulbul ka dard aur khanda-e-gul ka namak
Shor-e-jolan tha kinare bahr par kis ka ki aaj
Gard-e-sahil hai ba zakhm-e-mauj-e-darya namak
Dad deta hai mere zakhm-e-jigar ki wah wah
Yaad karta hai mujhe dekhe hai woh jis ja namak
Chhod kar jaana tan-e-majrooh-e-ashiq haif hai
Dil talab karta hai zakhm aur maange hain a'za namak
Ghair ki minnat na kheenchunga paye-e-taufeer-e-dard
Zakhm misl-e-khanda-e-qatil hai sar ta pa namak
Yaad hain Ghalib tujhe woh din ki wajd-e-zauq mein
Zakhm se girta to main palkon se chunta tha namak
Is amal mein aish ki lazzat nahin milti Asad
Zor-e-nisbat may se rakhta hai izafa ka namak
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں