ذکر میرا بہ بدی بھی اسے منظور نہیں — مرزا غالب
شاعر
ذکر میرا بہ بدی بھی اسے منظور نہیں
ذکر میرا بہ بدی بھی اسے منظور نہیں
غیر کی بات بگڑ جائے تو کچھ دور نہیں
وعدۂ سیر گلستاں ہے خوشا طالع شوق
مژدۂ قتل مقدر ہے جو مذکور نہیں
شاہد ہستی مطلق کی کمر ہے عالم
لوگ کہتے ہیں کہ ہے پر ہمیں منظور نہیں
قطرہ اپنا بھی حقیقت میں ہے دریا لیکن
ہم کو تقلید تنک ظرفی منصور نہیں
حسرت اے ذوق خرابی کہ وہ طاقت نہ رہی
عشق پر عربدہ کی گوں تن رنجور نہیں
میں جو کہتا ہوں کہ ہم لیں گے قیامت میں تمہیں
کس رعونت سے وہ کہتے ہیں کہ ہم حور نہیں
ظلم کر ظلم اگر لطف دریغ آتا ہو
تو تغافل میں کسی رنگ سے معذور نہیں
صاف دردی کش پیمانۂ جم ہیں ہم لوگ
وائے وہ بادہ کہ افشردۂ انگور نہیں
ہوں ظہوری کے مقابل میں خفائی غالبؔ
میرے دعوے پہ یہ حجت ہے کہ مشہور نہیں
Zikr mera ba badi bhi use manzoor nahin
Zikr mera ba badi bhi use manzoor nahin
Ghair ki baat bigad jaye to kuchh door nahin
Wada-e-sair-e-gulistan hai khusha tali'-e-shauq
Muzhda-e-qatl muqaddar hai jo mazkoor nahin
Shahid-e-hasti-e-mutlaq ki kamar hai alam
Log kehte hain ki hai par hamein manzoor nahin
Qatra apna bhi haqeeqat mein hai darya lekin
Hum ko taqleed-e-tanak-zarfi-e-Mansoor nahin
Hasrat aye zauq-e-kharabi ki woh taqat na rahi
Ishq par arbadah ki goon tan-e-ranjoor nahin
Main jo kehta hoon ki hum lenge qayamat mein tumhein
Kis ra'unat se woh kehte hain ki hum hoor nahin
Zulm kar zulm agar lutf-e-daregh aata ho
Tu taghaful mein kisi rang se ma'zoor nahin
Saad fardi kash-e-paimana-e-jam hain hum log
Way-e-woh baada ki afsurda angoor nahin
Hoon Zahoori ke muqabil mein khafaayi Ghalib
Mere da'we pe yeh hujjat hai ki mashhoor nahin
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں