ظلمت کدے میں میرے شب غم کا جوش ہے — مرزا غالب
شاعر
ظلمت کدے میں میرے شب غم کا جوش ہے
ظلمت کدے میں میرے شب غم کا جوش ہے
اک شمع ہے دلیل سحر سو خموش ہے
نے مژدۂ وصال نہ نظارہ جمال
مدت ہوئی کہ آشتی چشم و گوش ہے
مے نے کیا ہے حسن خود آرا کو بے حجاب
اے شوق ہاں اجازت تسلیم ہوش ہے
گوہر کو عقد گردن خوباں میں دیکھنا
کیا اوج پر ستارۂ گوہر فروش ہے
دیدار بادہ حوصلہ ساقی نگاہ مست
بزم خیال مے کدۂ بے خروش ہے
اے تازہ واردان بساط ہوائے دل
زنہار اگر تمہیں ہوس نائے و نوش ہے
دیکھو مجھے جو دیدۂ عبرت نگاہ ہو
میری سنو جو گوش نصیحت نیوش ہے
ساقی بہ جلوہ دشمن ایمان و آگہی
مطرب بہ نغمہ رہزن تمکین و ہوش ہے
یا شب کو دیکھتے تھے کہ ہر گوشۂ بساط
دامان باغبان و کف گل فروش ہے
لطف خرام ساقی و ذوق صدائے چنگ
یہ جنت نگاہ وہ فردوس گوش ہے
یا صبح دم جو دیکھیے آ کر تو بزم میں
نے وہ سرور و سوز نہ جوش و خروش ہے
داغ فراق صحبت شب کی جلی ہوئی
اک شمع رہ گئی ہے سو وہ بھی خموش ہے
آتے ہیں غیب سے یہ مضامیں خیال میں
غالبؔ صریر خامہ نوائے سروش ہے
Zulmat-kade mein mere shab-e-gham ka josh hai
Zulmat-kade mein mere shab-e-gham ka josh hai
Ek shama hai daleel-e-sahar so khamosh hai
Na mazhda-e-visal na nazzara-e-jamal
Muddat hui ki aashti-e-chashm-o-gosh hai
May ne kiya hai husn-e-khud-aara ko be-hijab
Aye shauq haan ijazat-e-tasleem-e-hosh hai
Gauhar ko aqd-e-gardan-e-khuban mein dekhna
Kya auj par sitara-e-gauhar-farosh hai
Deedar-e-bada hausla-e-saqi-e-nigah-e-mast
Bazm-e-khayal-e-mai-kada be-kharosh hai
Aye taza-waridan-e-basat-e-hawa-e-dil
Zanhaar agar tumhein hawas-e-naye-o-nosh hai
Dekho mujhe jo deedah-e-ibrat-nigah ho
Meri suno jo gosh-e-naseehat-niyosh hai
Saqi ba jalwa dushman-e-eeman-o-agahi
Mutrib ba naghma rahzan-e-tamkeen-o-hosh hai
Ya shab ko dekhte the ki har gosha-e-basat
Daman-e-baghban-o-kaf-e-gul-farosh hai
Lutf-e-kharam-e-saqi-o-zauq-e-sada-e-chang
Yeh jannat-e-nigah woh firdous-e-gosh hai
Ya subh-e-dam jo dekhiye aa kar to bazm mein
Na woh suroor-o-soz na josh-o-kharosh hai
Daagh-e-firaq-e-sohbat-e-shab ki jali hui
Ek shama reh gayi hai so woh bhi khamosh hai
Aate hain ghaib se yeh mazameen khayal mein
Ghalib sareer-e-khama nawa-e-surosh hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں