دوستو بارگہہ قتل سجاتے جاؤ — محسن بھوپالی
شاعر
دوستو بارگہہ قتل سجاتے جاؤ
دوستو بارگہہ قتل سجاتے جاؤ
قرض ہے رشتۂ جاں قرض چکاتے جاؤ
رہے خاموش تو یہ ہونٹ سلگ اٹھیں گے
شعلۂ فکر کو آواز بناتے جاؤ
اپنی تقدیر میں صحرا ہے تو صحرا ہی سہی
آبلہ پاؤ! نئے پھول کھلاتے جاؤ
زندگی سایۂ دیوار نہیں دار بھی ہے
زیست کو عشق کے آداب سکھاتے جاؤ
بے ضمیری ہے سرافراز تو غم کیسا ہے
اپنی تذلیل کو معیار بناتے جاؤ
اے مسیحاؤ اگر چارہ گری ہے دشوار
ہو سکے تم سے نیا زخم لگاتے جاؤ
کارواں عزم کا روکے سے کہیں رکتا ہے
لاکھ تم راہ میں دیوار اٹھاتے جاؤ
ایک مدت کی رفاقت کا ہو کچھ تو انعام
جاتے جاتے کوئی الزام لگاتے جاؤ
جن کو گہنہ دیا افکار کی پرچھائیں نے
محسنؔ ان چہروں کو آئینہ دکھاتے جاؤ
Dosto bargah-e-qatil sajate jao
Dosto bargah-e-qatil sajate jao
Qarz hai rishta-e-jaan, qarz chukate jao
Rahe khamosh to yeh honth sulag uthenge
Sho'la-e-fikr ko aawaaz banate jao
Apni taqdeer mein sehra hai to sehra hi sahi
Aabla pao! Naye phool khilate jao
Zindagi saya-e-deewar nahin daar bhi hai
Zeest ko ishq ke adaab sikhate jao
Be-zameeri hai sarfaraaz to gham kaisa hai
Apni tazleel ko me'yar banate jao
Aye Maseehao agar charah-gari hai dushwar
Ho sake tum se naya zakhm lagate jao
Karwaan-e-azm ka roke se kahin rukta hai
Lakh tum raah mein deewar uthate jao
Ek muddat ki rafaqat ka ho kuchh to in'aam
Jate jate koi ilzam lagate jao
Jin ko gehna diya afkaar ki parchhaiyan ne
Mohsin! Un chehron ko aaina dikhate jao
شاعر کے بارے میں
محسن بھوپالی اردو ادب کے اُن معتبر اور ہمہ جہت شاعروں میں شمار ہوتے ہیں جنہوں نے کلاسیکی روایت کو عصری حسّاسیت کے ساتھ ہم آہنگ کیا۔ ان کا اصل نام ع...
مکمل تعارف پڑھیں