وہ دے گیا ہے ہمیں انتظار کا موسم — محسن بھوپالی
شاعر
وہ دے گیا ہے ہمیں انتظار کا موسم
وہ دے گیا ہے ہمیں انتظار کا موسم
تمام عمر ہے اب یاد یار کا موسم
وہ کیا گیا ہے کہ اب خود پہ اعتبار نہیں
اسی کے دم سے تھا قول قرار کا موسم
یہ کس فضا میں گزرتے ہیں روزو شب یارو
نہ جبر کا ہے نہ یہ اختیار کا موسم
وہ بام و در تو ہمیں آج بھی بلاتے ہیں
ہمیں ہی راس نہیں کوئے یار کا موسم
گلوں کے کھلنے پہ ہی منحصر نہیں محسن
ملے وہ جس میں وہی ہے بہار کا موسم
Woh de gaya hai hamein intizaar ka mausam
Woh de gaya hai hamein intizaar ka mausam
Tamaam umr hai ab yaad-e-yaar ka mausam
Woh kya gaya hai ke ab khud pe aitbaar nahin
Usi ke dam se tha qaul-o-qaraar ka mausam
Yeh kis fiza mein guzarte hain roz-o-shab yaaro
Na jabr ka hai na yeh ikhtiyaar ka mausam
Woh baam-o-dar to hamein aaj bhi bulaate hain
Hamein hi raas nahin ku-e-yaar ka mausam
Gulon ke khilne pe hi munhasir nahin Mohsin
Mile woh jis mein wohi hai bahaar ka mausam
شاعر کے بارے میں
محسن بھوپالی اردو ادب کے اُن معتبر اور ہمہ جہت شاعروں میں شمار ہوتے ہیں جنہوں نے کلاسیکی روایت کو عصری حسّاسیت کے ساتھ ہم آہنگ کیا۔ ان کا اصل نام ع...
مکمل تعارف پڑھیں