اب کے بارش میں تو یہ کار زیاں ہونا ہی تھا — محسن نقوی
شاعر
اب کے بارش میں تو یہ کار زیاں ہونا ہی تھا
اب کے بارش میں تو یہ کار زیاں ہونا ہی تھا
اپنی کچی بستیوں کو بے نشاں ہونا ہی تھا
کس کے بس میں تھا ہوا کی وحشتوں کو روکنا
برگ گل کو خاک شعلے کو دھواں ہونا ہی تھا
جب کوئی سمت سفر طے تھی نہ حد رہ گزر
اے مرے رہ رو سفر تو رائیگاں ہونا ہی تھا
مجھ کو رکنا تھا اسے جانا تھا اگلے موڑ تک
فیصلہ یہ اس کے میرے درمیاں ہونا ہی تھا
چاند کو چلنا تھا بہتی سیپیوں کے ساتھ ساتھ
معجزہ یہ بھی تہہ آب رواں ہونا ہی تھا
میں نئے چہروں پہ کہتا تھا نئی غزلیں سدا
میری اس عادت سے اس کو بد گماں ہونا ہی تھا
شہر سے باہر کی ویرانی بسانا تھی مجھے
اپنی تنہائی پہ کچھ تو مہرباں ہونا ہی تھا
اپنی آنکھیں دفن کرنا تھیں غبار خاک میں
یہ ستم بھی ہم پہ زیر آسماں ہونا ہی تھا
بے صدا بستی کی رسمیں تھیں یہی محسنؔ مرے
میں زباں رکھتا تھا مجھ کو بے زباں ہونا ہی تھا
Ab ke barish mein to yeh kar-e-ziyan hona hi tha
Ab ke barish mein to yeh kar-e-ziyan hona hi tha
Apni kacchi bastiyon ko be-nishan hona hi tha
Kis ke bas mein tha hawa ki wahshaton ko rokna
Barg-e-gul ko khaak shole ko dhuan hona hi tha
Jab koi simt-e-safar tai thi na had-e-reh-guzar
Aye mere reh-rau safar to ra'egaan hona hi tha
Mujh ko rukna tha use jaana tha agle mod tak
Faisla yeh us ke mere darmiyan hona hi tha
Chand ko chalna tha bahti seepiyon ke saath saath
Mojiza yeh bhi teh-e-aab-e-rawan hona hi tha
Main naye chehron pe kehta tha nayi ghazlein sada
Meri is aadat se us ko bad-gumaan hona hi tha
Shahr se bahar ki veerani basana thi mujhe
Apni tanhai pe kuchh to meharban hona hi tha
Apni aankhein dafn karna theen ghubar-e-khaak mein
Yeh sitam bhi hum pe zair-e-aasman hona hi tha
Be-sada basti ki rasmein theen yehi Mohsin mere
Main zaban rakhta tha mujh ko be-zaban hona hi tha
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں