اشک اپنا کہ تمہارا نہیں دیکھا جاتا — محسن نقوی
شاعر
اشک اپنا کہ تمہارا نہیں دیکھا جاتا
اشک اپنا کہ تمہارا نہیں دیکھا جاتا
ابر کی زد میں ستارا نہیں دیکھا جاتا
اپنی شہ رگ کا لہو تن میں رواں ہے جب تک
زیر خنجر کوئی پیارا نہیں دیکھا جاتا
موج در موج الجھنے کی ہوس بے معنی
ڈوبتا ہو تو سہارا نہیں دیکھا جاتا
تیرے چہرے کی کشش تھی کہ پلٹ کر دیکھا
ورنہ سورج تو دوبارہ نہیں دیکھا جاتا
آگ کی ضد پہ نہ جا پھر سے بھڑک سکتی ہے
راکھ کی تہہ میں شرارہ نہیں دیکھا جاتا
زخم آنکھوں کے بھی سہتے تھے کبھی دل والے
اب تو ابرو کا اشارا نہیں دیکھا جاتا
کیا قیامت ہے کہ دل جس کا نگر ہے محسنؔ
دل پہ اس کا بھی اجارہ نہیں دیکھا جاتا
Ashk apna ki tumhara nahin dekha jata
Ashk apna ki tumhara nahin dekha jata
Abr ki zid mein sitara nahin dekha jata
Apni shah rag ka lahu tan mein rawan hai jab tak
Zair-e-khanjar koi pyara nahin dekha jata
Mauj dar mauj ulajhne ki hawas be-ma'ani
Doobta ho to sahara nahin dekha jata
Tere chehre ki kashish thi ki palat kar dekha
Warna suraj to dobara nahin dekha jata
Aag ki zid pe na ja phir se bhadak sakti hai
Raakh ki teh mein sharara nahin dekha jata
Zakhm aankhon ke bhi sehte the kabhi dil wale
Ab to abroo ka ishara nahin dekha jata
Kya qayamat hai ki dil jis ka nagar hai Mohsin
Dil pe us ka bhi ijara nahin dekha jata
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں