عذاب دید میں آنکھیں لہو لہو کر کے — محسن نقوی
شاعر
عذاب دید میں آنکھیں لہو لہو کر کے
عذاب دید میں آنکھیں لہو لہو کر کے
میں شرمسار ہوا تیری جستجو کر کے
کھنڈر کی تہ سے بریدہ بدن سروں کے سوا
ملا نہ کچھ بھی خزانوں کی آرزو کر کے
سنا ہے شہر میں زخمی دلوں کا میلہ ہے
چلیں گے ہم بھی مگر پیرہن رفو کر کے
مسافت شب ہجراں کے بعد بھید کھلا
ہوا دکھی ہے چراغوں کی آبرو کر کے
زمیں کی پیاس اسی کے لہو کو چاٹ گئی
وہ خوش ہوا تھا سمندر کو آب جو کر کے
یہ کس نے ہم سے لہو کا خراج پھر مانگا
ابھی تو سوئے تھے مقتل کو سرخ رو کر کے
جلوس اہل وفا کس کے در پہ پہنچا ہے
نشان طوق وفا زینت گلو کر کے
اجاڑ رت کو گلابی بنائے رکھتی ہے
ہماری آنکھ تری دید سے وضو کر کے
کوئی تو حبس ہوا سے یہ پوچھتا محسنؔ
ملا ہے کیا اسے کلیوں کو بے نمو کر کے
Azāb dīd meñ āñkheñ lahu lahu kar ke
Azāb dīd meñ āñkheñ lahu lahu kar ke
Maiñ sharmsār huā terī justujū kar ke
Khanḍar kī teh se burīda badan saroñ ke sivā
Milā na kuchh bhī khazānoñ kī ārzū kar ke
Sunā hai shahr meñ zakhmi diloñ kā mela hai
Chaleñge ham bhī magar pairahan rafū kar ke
Masāfat shab-e-hijrāñ ke ba'd bhed khulā
Huā dukhī hai chirāġhoñ kī ābrū kar ke
Zamīñ kī pyās usī ke lahu ko chāṭ ga.ī
Vo khush huā thā samundar ko āb-e-jū kar ke
Ye kis ne ham se lahu kā kharāj phir māñgā
Abhī to so.e the maqtal ko surḳh-rū kar ke
Jalūs-e-ahl-e-vafā kis ke dar pe pahuñchā hai
Nishān-e-tauq-e-vafā zeenat-e-galū kar ke
Ujāṛ rut ko gulābī banā.e rakhtī hai
Hamārī āñkh terī dīd se vazū kar ke
Koī to habs-e-havā se ye pūchhtā 'Mohsin'
Milā hai kyā use kaliyoñ ko be-namū kar ke
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں