بچھڑ کے مجھ سے یہ مشغلہ اختیار کرنا — محسن نقوی
شاعر
بچھڑ کے مجھ سے یہ مشغلہ اختیار کرنا
بچھڑ کے مجھ سے یہ مشغلہ اختیار کرنا
ہوا سے ڈرنا بجھے چراغوں سے پیار کرنا
کھلی زمینوں میں جب بھی سرسوں کے پھول مہکیں
تم ایسی رت میں سدا مرا انتظار کرنا
جو لوگ چاہیں تو پھر تمہیں یاد بھی نہ آئیں
کبھی کبھی تم مجھے بھی ان میں شمار کرنا
کسی کو الزام بے وفائی کبھی نہ دینا
مری طرح اپنے آپ کو سوگوار کرنا
تمام وعدے کہاں تلک یاد رکھ سکو گے
جو بھول جائیں وہ عہد بھی استوار کرنا
یہ کس کی آنکھوں نے بادلوں کو سکھا دیا ہے
کہ سینۂ سنگ سے رواں آبشار کرنا
میں زندگی سے نہ کھل سکا اس لیے بھی محسنؔ
کہ بہتے پانی پہ کب تلک اعتبار کرنا
Bichhaṛ ke mujh se ye mashġhala iḳhtiyār karnā
Bichhaṛ ke mujh se ye mashġhala iḳhtiyār karnā
Hava se ḍarnā bujhe chirāġhoñ se pyār karnā
Khulī zamīnoñ meñ jab bhī sarsoñ ke phūl mahkeñ
Tum aisī rut meñ sadā merā intizār karnā
Jo log chāheñ to phir tumheñ yād bhī na ā.eñ
Kabhī kabhī tum mujhe bhī un meñ shumār karnā
Kisī ko ilzām-e-bevafā.ī kabhī na denā
Merī tarah apne aap ko sogvār karnā
Tamām va'de kahāñ talak yād rakh sako ge
Jo bhūl jā.eñ vo 'ahd bhī ustuvār karnā
Ye kis kī āñkhoñ ne bādaloñ ko sikhā diyā hai
Ki sīna-e-sang se ravāñ ābshār karnā
Maiñ zindagī se na khul sakā is liye bhī 'Mohsin'
Ki bahte paanī pe kab talak i'tibār karnā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں