ایک پل میں زندگی بھر کی اداسی دے گیا — محسن نقوی
شاعر
ایک پل میں زندگی بھر کی اداسی دے گیا
ایک پل میں زندگی بھر کی اداسی دے گیا
وہ جدا ہوتے ہوئے کچھ پھول باسی دے گیا
نوچ کر شاخوں کے تن سے خشک پتوں کا لباس
زرد موسم بانجھ رت کو بے لباسی دے گیا
صبح کے تارے مری پہلی دعا تیرے لیے
تو دل بے صبر کو تسکیں ذرا سی دے گیا
لوگ ملبوں میں دبے سائے بھی دفنانے لگے
زلزلہ اہل زمیں کو بد حواسی دے گیا
تند جھونکے کی رگوں میں گھول کر اپنا دھواں
اک دیا اندھی ہوا کو خود شناسی دے گیا
لے گیا محسنؔ وہ مجھ سے ابر بنتا آسماں
اس کے بدلے میں زمیں صدیوں کی پیاسی دے گیا
Ek pal meñ zindagī bhar kī udāsī de gayā
Ek pal meñ zindagī bhar kī udāsī de gayā
Vo judā hote hue kuchh phuul bāsī de gayā
Noch kar shāḳhoñ ke tan se ḳhushk pattoñ kā libās
Zard mausam bāñjh rut ko be-libāsī de gayā
Sub.h ke tāre merī pahlī du'ā tere liye
Tū dil-e-be-sabr ko taskīn zarā sī de gayā
Log malboñ meñ dabe saa.e bhī dafnāne lage
Zalzala ahl-e-zamīñ ko bad-havāsī de gayā
Tund jhoñke kī ragoñ meñ ghol kar apnā dhuāñ
Ik diyā andhī havā ko ḳhud-shanāsī de gayā
Le gayā 'Mohsin' vo mujh se abr bantā āsmāñ
Us ke badle meñ zamīñ sadiyoñ kī pyāsī de gayā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں