فضا کا حبس شگوفوں کو باس کیا دے گا — محسن نقوی
شاعر
فضا کا حبس شگوفوں کو باس کیا دے گا
فضا کا حبس شگوفوں کو باس کیا دے گا
بدن دریدہ کسی کو لباس کیا دے گا
یہ دل کہ قحط انا سے غریب ٹھہرا ہے
مری زباں کو زر التماس کیا دے گا
جو دے سکا نہ پہاڑوں کو برف کی چادر
وہ میری بانجھ زمیں کو کپاس کیا دے گا
یہ شہر یوں بھی تو دہشت بھرا نگر ہے یہاں
دلوں کا شور ہوا کو ہراس کیا دے گا
وہ زخم دے کے مجھے حوصلہ بھی دیتا ہے
اب اس سے بڑھ کے طبیعت شناس کیا دے گا
جو اپنی ذات سے باہر نہ آ سکا اب تک
وہ پتھروں کو متاع حواس کیا دے گا
وہ میرے اشک بجھائے گا کس طرح محسنؔ
سمندروں کو وہ صحرا کی پیاس کیا دے گا
Fazā kā habs shagūfoñ ko baas kyā de gā
Fazā kā habs shagūfoñ ko baas kyā de gā
Badan darīda kisī ko libās kyā de gā
Ye dil ki qaht-e-anā se ġharīb Thahrā hai
Merī zabān ko zar-e-iltimās kyā de gā
Jo de sakā na pahāṛoñ ko barf kī chādar
Vo merī bāñjh zamīñ ko kapās kyā de gā
Ye shahr yūñ bhī to dahshat bharā nagar hai yahāñ
Diloñ kā shor havā ko harās kyā de gā
Vo zaḳhm de ke mujhe hausla bhī detā hai
Ab is se baṛh ke tabī'at-shanās kyā de gā
Jo apnī zāt se bāhar na ā sakā ab tak
Vo pattharoñ ko matā'-e-havās kyā de gā
Vo mere ashk bujhā.e gā kis tarah 'Mohsin'
Samundaroñ ko vo sahrā kī pyās kyā de gā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں