غزلوں کی دھنک اوڑھ مرے شعلہ بدن تو — محسن نقوی
شاعر
غزلوں کی دھنک اوڑھ مرے شعلہ بدن تو
غزلوں کی دھنک اوڑھ مرے شعلہ بدن تو
ہے میرا سخن تو مرا موضوع سخن تو
کلیوں کی طرح پھوٹ سر شاخ تمنا
خوشبو کی طرح پھیل چمن تا بہ چمن تو
نازل ہو کبھی ذہن پہ آیات کی صورت
آیات میں ڈھل جا کبھی جبریل دہن تو
اب کیوں نہ سجاؤں میں تجھے دیدہ و دل میں
لگتا ہے اندھیرے میں سویرے کی کرن تو
پہلے نہ کوئی رمز سخن تھی نہ کنایہ
اب نقطۂ تکمیل ہنر محور فن تو
یہ کم تو نہیں تو مرا معیار نظر ہے
اے دوست مرے واسطے کچھ اور نہ بن تو
ممکن ہو تو رہنے دے مجھے ظلمت جاں میں
ڈھونڈے گا کہاں چاندنی راتوں کا کفن تو
Ghazloñ kī dhanak oṛh mire sho'la-badan tū
Ghazloñ kī dhanak oṛh mire sho'la-badan tū
Hai merā suḳhan tū merā mauzū'-e-suḳhan tū
Kaliyoñ kī tarah phūṭ sar-e-shāḳh-e-tamannā
Khushbū kī tarah phail chaman tā ba-chaman tū
Nāzil ho kabhī zehan pe āyāt kī sūrat
Āyāt meñ ḍhal jā kabhī jibrīl-e-dahan tū
Ab kyuñ na sajā.ūñ maiñ tujhe dīda-o-dil meñ
Lagta hai andhere meñ savere kī kiran tū
Pahle na koī ramz-e-suḳhan thī na kināya
Ab nuqta-e-takmīl-e-hunar mahvar-e-fan tū
Ye kam to nahīñ tū merā mi'yār-e-nazar hai
Ai dost mere vāste kuchh aur na ban tū
Mumkin ho to rahne de mujhe zulmat-e-jāñ meñ
Dhūñḍhe gā kahāñ chāñdnī rātoñ kā kafan tū
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں