ہوائے ہجر میں جو کچھ تھا اب کے خاک ہوا — محسن نقوی
شاعر
ہوائے ہجر میں جو کچھ تھا اب کے خاک ہوا
ہوائے ہجر میں جو کچھ تھا اب کے خاک ہوا
کہ پیرہن تو گیا تھا بدن بھی چاک ہوا
اب اس سے ترک تعلق کروں تو مر جاؤں
بدن سے روح کا اس درجہ اشتراک ہوا
یہی کہ سب کی کمانیں ہمیں پہ ٹوٹی ہیں
چلو حساب صف دوستاں تو پاک ہوا
وہ بے سبب یوں ہی روٹھا ہے لمحہ بھر کے لئے
یہ سانحہ نہ سہی پھر بھی کرب ناک ہوا
اسی کے قرب نے تقسیم کر دیا آخر
وہ جس کا ہجر مجھے وجہ انہماک ہوا
شدید وار نہ دشمن دلیر تھا محسنؔ
میں اپنی بے خبری سے مگر ہلاک ہوا
Havā-e-hijr meñ jo kuchh thā ab ke ḳhāk huā
Havā-e-hijr meñ jo kuchh thā ab ke ḳhāk huā
Ki pairahan to gayā thā badan bhī chāk huā
Ab is se tark-e-ta'alluq karūñ to mar jā.ūñ
Badan se ruuh kā is darja ishtirāk huā
Yahī ki sab kī kamāneñ hameñ pe tūṭī haiñ
Chalo hisāb-e-saf-e-dostāñ to pāk huā
Vo be-sabab yūñ hī rūThā hai lamha bhar ke liye
Ye sāneha na sahī phir bhī karb-nāk huā
Usī ke qurb ne taqsīm kar diyā āḳhir
Vo jis kā hijr mujhe vajah-e-inhimāk huā
Shadīd vaar na dushman dilīr thā 'Mohsin'
Maiñ apnī be-ḳhabrī se magar halāk huā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں