جب ہجر کے شہر میں دھوپ اتری میں جاگ پڑا تو خواب ہوا — محسن نقوی
شاعر
جب ہجر کے شہر میں دھوپ اتری میں جاگ پڑا تو خواب ہوا
جب ہجر کے شہر میں دھوپ اتری میں جاگ پڑا تو خواب ہوا
مری سوچ خزاں کی شاخ بنی ترا چہرہ اور گلاب ہوا
برفیلی رت کی تیز ہوا کیوں جھیل میں کنکر پھینک گئی
اک آنکھ کی نیند حرام ہوئی اک چاند کا عکس خراب ہوا
ترے ہجر میں ذہن پگھلتا تھا ترے قرب میں آنکھیں جلتی ہیں
تجھے کھونا ایک قیامت تھا ترا ملنا اور عذاب ہوا
بھرے شہر میں ایک ہی چہرہ تھا جسے آج بھی گلیاں ڈھونڈتی ہیں
کسی صبح اسی کی دھوپ کھلی کسی رات وہی مہتاب ہوا
بڑی عمر کے بعد ان آنکھوں میں کوئی ابر اترا تری یادوں کا
مرے دل کی زمیں آباد ہوئی مرے غم کا نگر شاداب ہوا
کبھی وصل میں محسنؔ دل ٹوٹا کبھی ہجر کی رت نے لاج رکھی
کسی جسم میں آنکھیں کھو بیٹھے کوئی چہرہ کھلی کتاب ہوا
Jab hijr ke shahr meñ dhūp utrī maiñ jāg paṛā to ḳhvāb huā
Jab hijr ke shahr meñ dhūp utrī maiñ jāg paṛā to ḳhvāb huā
Merī soch ḳhazāñ kī shāḳh banī terā chehra aur gulāb huā
Barfīlī rut kī tez havā kyuñ jhīl meñ kañkar pheñk ga.ī
Ik āñkh kī nīñd harām huī ik chāñd kā aks ḳharāb huā
Tere hijr meñ zehan pighaltā thā tere qurb meñ āñkheñ jaltī haiñ
Tujhe khonā ek qayāmat thā terā milnā aur azāb huā
Bhare shahr meñ ek hī chehra thā jise āj bhī galiyāñ ḍhūñḍhtī haiñ
Kisī sub.h usī kī dhūp khulī kisī rāt vahī mahtāb huā
Baṛī umr ke ba'd un āñkhoñ meñ koī abr utrā terī yādoñ kā
Mere dil kī zamīñ ābād huī mere ġham kā nagar shādāb huā
Kabhī vasl meñ 'Mohsin' dil tūṭā kabhī hijr kī rut ne lāj rakhī
Kisī jism meñ āñkheñ kho baiThe koī chehra khulī kitāb huā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں