جب سے اس نے شہر کو چھوڑا ہر رستہ سنسان ہوا — محسن نقوی
شاعر
جب سے اس نے شہر کو چھوڑا ہر رستہ سنسان ہوا
جب سے اس نے شہر کو چھوڑا ہر رستہ سنسان ہوا
اپنا کیا ہے سارے شہر کا اک جیسا نقصان ہوا
یہ دل یہ آسیب کی نگری مسکن سوچوں وہموں کا
سوچ رہا ہوں اس نگری میں تو کب سے مہمان ہوا
صحرا کی منہ زور ہوائیں اوروں سے منسوب ہوئیں
مفت میں ہم آوارہ ٹھہرے مفت میں گھر ویران ہوا
میرے حال پہ حیرت کیسی درد کے تنہا موسم میں
پتھر بھی رو پڑتے ہیں انسان تو پھر انسان ہوا
اتنی دیر میں اجڑے دل پر کتنے محشر بیت گئے
جتنی دیر میں تجھ کو پا کر کھونے کا امکان ہوا
کل تک جس کے گرد تھا رقصاں اک انبوہ ستاروں کا
آج اسی کو تنہا پا کر میں تو بہت حیران ہوا
اس کے زخم چھپا کر رکھیے خود اس شخص کی نظروں سے
اس سے کیسا شکوہ کیجے وہ تو ابھی نادان ہوا
جن اشکوں کی پھیکی لو کو ہم بے کار سمجھتے تھے
ان اشکوں سے کتنا روشن اک تاریک مکان ہوا
یوں بھی کم آمیز تھا محسنؔ وہ اس شہر کے لوگوں میں
لیکن میرے سامنے آ کر اور بھی کچھ انجان ہوا
Jab se us ne shahr ko chhoṛā har rastā sunsān huā
Jab se us ne shahr ko chhoṛā har rastā sunsān huā
Apnā kyā hai sāre shahr kā ik jaisā nuqsān huā
Ye dil ye āsīb kī nagrī maskan sochoñ vahmoñ kā
Soch rahā hūñ is nagrī meñ tū kab se mehmān huā
Sahrā kī muñh-zor havā.eñ auroñ se mansūb huīñ
Muft meñ ham āvāra Thahre muft meñ ghar vīrān huā
Mere hāl pe hairat kaisī dard ke tanhā mausam meñ
Patthar bhī ro paṛte haiñ insān to phir insān huā
Itnī der meñ ujṛe dil par kitne mahshar bīt ga.e
Jitnī der meñ tujh ko pā kar khone kā imkān huā
Kal tak jis ke gird thā raqsāñ ik ambūh sitāroñ kā
Aaj usī ko tanhā pā kar maiñ to bahut hairān huā
Us ke zaḳhm chhupā kar rakhie ḳhud us shaḳhs kī nazroñ se
Us se kaisā shikva kījiye vo to abhī nādān huā
Jin ashkoñ kī phīkī lau ko ham be-kār samajhte the
Un ashkoñ se kitnā raushan ik tārīk makān huā
Yūñ bhī kam-āmīz thā 'Mohsin' vo is shahr ke logoñ meñ
Lekin mere sāmne ā kar aur bhī kuchh anjān huā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں