جگنو گہر چراغ اجالے تو دے گیا — محسن نقوی
شاعر
جگنو گہر چراغ اجالے تو دے گیا
جگنو گہر چراغ اجالے تو دے گیا
وہ خود کو ڈھونڈنے کے حوالے تو دے گیا
اب اس سے بڑھ کے کیا ہو وراثت فقیر کی
بچوں کو اپنی بھیک کے پیالے تو دے گیا
اب میری سوچ سائے کی صورت ہے اس کے گرد
میں بجھ کے اپنے چاند کو ہالے تو دے گیا
شاید کہ فصل سنگ زنی کچھ قریب ہے
وہ کھیلنے کو برف کے گالے تو دے گیا
اہل طلب پہ اس کے لیے فرض ہے دعا
خیرات میں وہ چند نوالے تو دے گیا
محسنؔ اسے قبا کی ضرورت نہ تھی مگر
دنیا کو روز و شب کے دوشالے تو دے گیا
Jugnū gauhar chirāġh ujāle to de gayā
Jugnū gauhar chirāġh ujāle to de gayā
Vo ḳhud ko ḍhūñḍhne ke havāle to de gayā
Ab is se baṛh ke kyā ho virāsat faqīr kī
Bacchoñ ko apnī bhīk ke pyāle to de gayā
Ab merī soch saa.e kī sūrat hai us ke gird
Maiñ bujh ke apne chāñd ko hāle to de gayā
Shāyad ki fasl-e-sang-zanī kuchh qarīb hai
Vo khelne ko barf ke gāle to de gayā
Ahl-e-talab pe us ke liye farz hai du'ā
Khairāt meñ vo chand navāle to de gayā
'Mohsin' use qabā kī zarūrat na thī magar
Dunyā ko roz-o-shab ke doshāle to de gayā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں