خود اپنے دل میں خراشیں اتارنا ہوں گی — محسن نقوی
شاعر
خود اپنے دل میں خراشیں اتارنا ہوں گی
خود اپنے دل میں خراشیں اتارنا ہوں گی
ابھی تو جاگ کے راتیں گزارنا ہوں گی
ترے لیے مجھے ہنس ہنس کے بولنا ہوگا
مرے لیے تجھے زلفیں سنوارنا ہوں گی
تری صدا سے تجھی کو تراشنا ہوگا
ہوا کی چاپ سے شکلیں ابھارنا ہوں گی
ابھی تو تیری طبیعت کو جیتنے کے لیے
دل و نگاہ کی شرطیں بھی ہارنا ہوں گی
ترے وصال کی خواہش کے تیز رنگوں سے
ترے فراق کی صبحیں نکھارنا ہوں گی
یہ شاعری یہ کتابیں یہ آیتیں دل کی
نشانیاں یہ سبھی تجھ پہ وارنا ہوں گی
Khud apne dil meñ ḳharāsheñ utārnā hoñgī
Khud apne dil meñ ḳharāsheñ utārnā hoñgī
Abhī to jāg ke rāteñ guzārnā hoñgī
Tere liye mujhe hans hans ke bolnā hogā
Mere liye tujhe zulfeñ sañvārnā hoñgī
Terī sadā se tujhī ko tarāshnā hogā
Havā kī chāp se shakleñ ubhārnā hoñgī
Abhī to terī tabī'at ko jītnā ke liye
Dil o nigāh kī sharteñ bhī hārnā hoñgī
Tere visāl kī ḳhvāhish ke tez rañgoñ se
Tere firāq kī sub.heñ nikhārnā hoñgī
Ye shā'irī ye kitābeñ ye āyateñ dil kī
Nishāniyāñ ye sabhī tujh pe vārnā hoñgī
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں