خمار موسم خوشبو حد چمن میں کھلا — محسن نقوی
شاعر
خمار موسم خوشبو حد چمن میں کھلا
خمار موسم خوشبو حد چمن میں کھلا
مری غزل کا خزانہ ترے بدن میں کھلا
تم اس کا حسن کبھی اس کی بزم میں دیکھو
کہ ماہتاب سدا شب کے پیرہن میں کھلا
عجب نشہ تھا مگر اس کی بخشش لب میں
کہ یوں تو ہم سے بھی کیا کیا نہ وہ سخن میں کھلا
نہ پوچھ پہلی ملاقات میں مزاج اس کا
وہ رنگ رنگ میں سمٹا کرن کرن میں کھلا
بدن کی چاپ نگہ کی زباں بھی ہوتی ہے
یہ بھید ہم پہ مگر اس کی انجمن میں کھلا
کہ جیسے ابر ہوا کی گرہ سے کھل جائے
سفر کی شام مرا مہرباں تھکن میں کھلا
کہوں میں کس سے نشانی تھی کس مسیحا کی
وہ ایک زخم کہ محسنؔ مرے کفن میں کھلا
Khumār-e-mausam ḳhushbū had-e-chaman meñ khilā
Khumār-e-mausam-e-ḳhushbū had-e-chaman meñ khilā
Merī ġhazal kā ḳhazāna tere badan meñ khilā
Tum us kā husn kabhī us kī bazm meñ dekho
Ki māhtāb sadā shab ke pairahan meñ khilā
Ajab nasha thā magar us kī baḳhshish-e-lab meñ
Ki yūñ to ham se bhī kyā kyā na vo suḳhan meñ khilā
Na pūchh pahlī mulāqāt meñ mizāj us kā
Vo rañg rañg meñ simTā kiran kiran meñ khilā
Badan kī chāp nigah kī zabān bhī hotī hai
Ye bhed ham pe magar us kī anjuman meñ khulā
Ki jaise abr havā kī girah se khul jā.e
Safar kī shām merā mehrbāñ thakan meñ khulā
Kahūñ maiñ kis se nishānī thī kis masīhā kī
Vo ek zaḳhm ki 'Mohsin' mere kafan meñ khulā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں