کس نے سنگ خامشی پھینکا بھرے بازار پر — محسن نقوی
شاعر
کس نے سنگ خامشی پھینکا بھرے بازار پر
کس نے سنگ خامشی پھینکا بھرے بازار پر
اک سکوت مرگ طاری ہے در و دیوار پر
تو نے اپنی زلف کے سائے میں افسانے کہے
مجھ کو زنجیریں ملی ہیں جرأت اظہار پر
شاخ عریاں پر کھلا اک پھول اس انداز سے
جس طرح تازہ لہو چمکے نئی تلوار پر
سنگ دل احباب کے دامن میں رسوائی کے پھول
میں نے دیکھا ہے نیا منظر فراز دار پر
اب کوئی تہمت بھی وجہ کرب رسوائی نہیں
زندگی اک عمر سے چپ ہے ترے اصرار پر
میں سر مقتل حدیث زندگی کہتا رہا
انگلیاں اٹھتی رہیں محسنؔ مرے کردار پر
Kis ne sang-e-ḳhāmushī pheñkā bhare bāzār par
Kis ne sang-e-ḳhāmushī pheñkā bhare bāzār par
Ik sukūt-e-marg tārī hai dar-o-dīvār par
Tū ne apnī zulf ke saa.e meñ afsāne kahe
Mujh ko zañjīreñ milī haiñ jur.at-e-izhār par
Shāḳh-e-'uryāñ par khilā ik phuul us andāz se
Jis tarah tāza lahu chamke na.ī talvār par
Sang-dil ahbāb ke dāman meñ rusvā.ī ke phūl
Maiñ ne dekhā hai nayā manzar farāz-e-dār par
Ab koī tuhmat bhī vajah-e-karb-e-rusvā.ī nahīñ
Zindagī ik umr se chup hai tere isrār par
Maiñ sar-e-maqtal hadīs-e-zindagī kahtā rahā
Uñgliyāñ uThtī rahīñ 'Mohsin' mere kirdār par
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں