لبوں پہ حرف رجز ہے زرہ اتار کے بھی — محسن نقوی
شاعر
لبوں پہ حرف رجز ہے زرہ اتار کے بھی
لبوں پہ حرف رجز ہے زرہ اتار کے بھی
میں جشن فتح مناتا ہوں جنگ ہار کے بھی
اسے لبھا نہ سکا میرے بعد کا موسم
بہت اداس لگا خال و خد سنوار کے بھی
اب ایک پل کا تغافل بھی سہہ نہیں سکتے
ہم اہل دل کبھی عادی تھے انتظار کے بھی
وہ لمحہ بھر کی کہانی کہ عمر بھر میں کہی
ابھی تو خود سے تقاضے تھے اختصار کے بھی
زمین اوڑھ لی ہم نے پہنچ کے منزل پر
کہ ہم پہ قرض تھے کچھ گرد رہ گزار کے بھی
مجھے نہ سن مرے بے شکل اب دکھائی تو دے
میں تھک گیا ہوں فضا میں تجھے پکار کے بھی
مری دعا کو پلٹنا تھا پھر ادھر محسنؔ
بہت اجاڑ تھے منظر افق سے پار کے بھی
Laboñ pe harf-e-rajaz hai zirah utār ke bhī
Laboñ pe harf-e-rajaz hai zirah utār ke bhī
Maiñ jashn-e-fat.h manātā hūñ jañg hār ke bhī
Use lubhā na sakā mere ba'd kā mausam
Bahut udās lagā ḳhāl-o-ḳhad sañvār ke bhī
Ab ek pal kā taġhāful bhī sah nahīñ sakte
Ham ahl-e-dil kabhī 'ādī the intizār ke bhī
Vo lamha bhar kī kahānī ki umr bhar meñ kahī
Abhī to ḳhud se taqāze the iḳhtisār ke bhī
Zamīñ oṛh lī ham ne pahuñch ke manzil par
Ki ham pe qaraz the kuchh gard-e-rah-guzār ke bhī
Mujhe na sun mere be-shakl ab dikhā.ī to de
Maiñ thak gayā hūñ fazā meñ tujhe pukār ke bhī
Merī du'ā ko palaṭnā thā phir idhar 'Mohsin'
Bahut ujāṛ the manzar ufuq se pār ke bhī
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں