میں دل پہ جبر کروں گا تجھے بھلا دوں گا — محسن نقوی
شاعر
میں دل پہ جبر کروں گا تجھے بھلا دوں گا
میں دل پہ جبر کروں گا تجھے بھلا دوں گا
مروں گا خود بھی تجھے بھی کڑی سزا دوں گا
یہ تیرگی مرے گھر کا ہی کیوں مقدر ہو
میں تیرے شہر کے سارے دیئے بجھا دوں گا
ہوا کا ہاتھ بٹاؤں گا ہر تباہی میں
ہرے شجر سے پرندے میں خود اڑا دوں گا
وفا کروں گا کسی سوگوار چہرے سے
پرانی قبر پہ کتبہ نیا سجا دوں گا
اسی خیال میں گزری ہے شام درد اکثر
کہ درد حد سے بڑھے گا تو مسکرا دوں گا
تو آسمان کی صورت ہے گر پڑے گا کبھی
زمیں ہوں میں بھی مگر تجھ کو آسرا دوں گا
بڑھا رہی ہیں مرے دکھ نشانیاں تیری
میں تیرے خط تری تصویر تک جلا دوں گا
بہت دنوں سے مرا دل اداس ہے محسنؔ
اس آئنے کو کوئی عکس اب نیا دوں گا
Maiñ dil pe jabr karūñgā tujhe bhulā dūñgā
Maiñ dil pe jabr karūñgā tujhe bhulā dūñgā
Marūñgā ḳhud bhī tujhe bhī kaṛī sazā dūñgā
Ye tīrgī mere ghar kā hī kyuñ muqaddar ho
Maiñ tere shahr ke sāre diye bujhā dūñgā
Havā kā hāth baTā.ūñgā har tabāhī meñ
Hare shajar se parinde maiñ ḳhud uṛā dūñgā
Vafā karūñgā kisī sogvār chehre se
Purānī qabr pe kutba nayā sajā dūñgā
Isī ḳhayāl meñ guzrī hai shām-e-dard aksar
Ki dard had se baṛhe gā to muskurā dūñgā
Tū āsmān kī sūrat hai gir paṛe gā kabhī
Zamīñ hūñ maiñ bhī magar tujh ko āsrā dūñgā
Baṛhā rahī haiñ mere dukh nishāniyāñ terī
Maiñ tere ḳhat terī tasvīr tak jalā dūñgā
Bahut dinoñ se merā dil udās hai 'Mohsin'
Us ā.īne ko koī aks ab nayā dūñgā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں