میں کل تنہا تھا خلقت سو رہی تھی — محسن نقوی
شاعر
میں کل تنہا تھا خلقت سو رہی تھی
میں کل تنہا تھا خلقت سو رہی تھی
مجھے خود سے بھی وحشت ہو رہی تھی
اسے جکڑا ہوا تھا زندگی نے
سرہانے موت بیٹھی رو رہی تھی
کھلا مجھ پر کہ میری خوش نصیبی
مرے رستے میں کانٹے بو رہی تھی
مجھے بھی نارسائی کا ثمر دے
مجھے تیری تمنا جو رہی تھی
مرا قاتل مرے اندر چھپا تھا
مگر بد نام خلقت ہو رہی تھی
بغاوت کر کے خود اپنے لہو سے
غلامی داغ اپنے دھو رہی تھی
لبوں پر تھا سکوت مرگ لیکن
مرے دل میں قیامت سو رہی تھی
بجز موج فنا دنیا میں محسنؔ
ہماری جستجو کس کو رہی تھی
Maiñ kal tanhā thā ḳhalqat so rahī thī
Maiñ kal tanhā thā ḳhalqat so rahī thī
Mujhe ḳhud se bhī vahshat ho rahī thī
Use jakṛā huā thā zindagī ne
Sirhāne maut baiThī ro rahī thī
Khulā mujh par ki merī ḳhush-nasībī
Mere raste meñ kāñTe bo rahī thī
Mujhe bhī nārāsā.ī kā samar de
Mujhe terī tamannā jo rahī thī
Merā qātil mere andar chhupā thā
Magar badnām ḳhalqat ho rahī thī
Baġāvat kar ke ḳhud apne lahu se
Gulāmī dāġh apne dho rahī thī
Laboñ par thā sukūt-e-marg lekin
Mere dil meñ qayāmat so rahī thī
Bajuz mauj-e-fanā dunyā meñ 'Mohsin'
Hamārī justujū kis ko rahī thī
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں