معرکہ اب کے ہوا بھی تو پھر ایسا ہوگا — محسن نقوی
شاعر
معرکہ اب کے ہوا بھی تو پھر ایسا ہوگا
معرکہ اب کے ہوا بھی تو پھر ایسا ہوگا
تیرے دریا پہ مری پیاس کا پہرہ ہوگا
اس کی آنکھیں ترے چہرے پہ بہت بولتی ہیں
اس نے پلکوں سے ترا جسم تراشا ہوگا
کتنے جگنو اسی خواہش میں مرے ساتھ چلے
کوئی رستہ ترے گھر کو بھی تو جاتا ہوگا
میں بھی اپنے کو بھلائے ہوئے پھرتا ہوں بہت
آئنہ اس نے بھی کچھ روز نہ دیکھا ہوگا
رات جل تھل مری آنکھوں میں اتر آیا تھا
صورت ابر کوئی ٹوٹ کے برسا ہوگا
یہ مسیحائی اسے بھول گئی ہے محسنؔ
یا پھر ایسا ہے مرا زخم ہی گہرا ہوگا
Ma'rika ab ke huā bhī to phir aisā hogā
Ma'rika ab ke huā bhī to phir aisā hogā
Tere daryā pe merī pyās kā pehra hogā
Us kī āñkheñ tere chehre pe bahut boltī haiñ
Us ne palkoñ se terā jism tarāshā hogā
Kitne jugnū usī ḳhvāhish meñ mere sāth chale
Koī rastā tere ghar ko bhī to jātā hogā
Maiñ bhī apne ko bhulā.e hue phirtā hūñ bahut
Ā.īna us ne bhī kuchh roz na dekhā hogā
Rāt jal-thal merī āñkhoñ meñ utar aaya thā
Sūrat-e-abr koī tūṭ ke barsā hogā
Ye masīhā.ī use bhūl ga.ī hai 'Mohsin'
Yā phir aisā hai merā zaḳhm hī gehrā hogā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں