نیا ہے شہر نئے آسرے تلاش کروں — محسن نقوی
شاعر
نیا ہے شہر نئے آسرے تلاش کروں
نیا ہے شہر نئے آسرے تلاش کروں
تو کھو گیا ہے کہاں اب تجھے تلاش کروں
جو دشت میں بھی جلاتے تھے فصل گل کے چراغ
میں شہر میں بھی وہی آبلے تلاش کروں
تو عکس ہے تو کبھی میری چشم تر میں اتر
ترے لیے میں کہاں آئنے تلاش کروں
تجھے حواس کی آوارگی کا علم کہاں
کبھی میں تجھ کو ترے سامنے تلاش کروں
غزل کہوں کبھی سادہ سے خط لکھوں اس کو
اداس دل کے لیے مشغلے تلاش کروں
مرے وجود سے شاید ملے سراغ ترا
کبھی میں خود کو ترے واسطے تلاش کروں
میں چپ رہوں کبھی بے وجہ ہنس پڑوں محسنؔ
اسے گنوا کے عجب حوصلے تلاش کروں
Nayā hai shahr na.e aasre talāsh karūñ
Nayā hai shahr na.e aasre talāsh karūñ
Tū kho gayā hai kahāñ ab tujhe talāsh karūñ
Jo dasht meñ bhī jalāte the fasl-e-gul ke chirāġh
Maiñ shahr meñ bhī vahī aable talāsh karūñ
Tū aks hai to kabhī merī chashm-e-tar meñ utar
Tere liye maiñ kahāñ ā.īne talāsh karūñ
Tujhe havās kī āvārgī kā ilm kahāñ
Kabhī maiñ tujh ko tere sāmne talāsh karūñ
Ghazal kahūñ kabhī sāda se ḳhat likhūñ us ko
Udās dil ke liye mashġhale talāsh karūñ
Mere vujūd se shāyad mile surāġh terā
Kabhī maiñ ḳhud ko tere vāste talāsh karūñ
Maiñ chup rahūñ kabhī be-vajah hañs paṛūñ 'Mohsin'
Use gañvā ke ajab hausle talāsh karūñ
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں