پھر وہی میں ہوں وہی شہر بدر سناٹا — محسن نقوی
شاعر
پھر وہی میں ہوں وہی شہر بدر سناٹا
پھر وہی میں ہوں وہی شہر بدر سناٹا
مجھ کو ڈس لے نہ کہیں خاک بسر سناٹا
دشت ہستی میں شب غم کی سحر کرنے کو
ہجر والوں نے لیا رخت سفر سناٹا
کس سے پوچھوں کہ کہاں ہے مرا رونے والا
اس طرف میں ہوں مرے گھر سے ادھر سناٹا
تو صداؤں کے بھنور میں مجھے آواز تو دے
تجھ کو دے گا مرے ہونے کی خبر سناٹا
اس کو ہنگامۂ منزل کی خبر کیا دو گے
جس نے پایا ہو سر راہ گزر سناٹا
حاصل کنج قفس وہم بکف تنہائی
رونق شام سفر تا بہ سحر سناٹا
قسمت شاعر سیماب صفت دشت کی موت
قیمت ریزۂ الماس ہنر سناٹا
جان محسنؔ مری تقدیر میں کب لکھا ہے
ڈوبتا چاند ترا قرب گجر سناٹا
Phir vahī maiñ hūñ vahī shahr-ba-dar sannāTā
Phir vahī maiñ hūñ vahī shahr-ba-dar sannāTā
Mujh ko ḍas le na kahīñ ḳhāk basar sannāTā
Dasht-e-hastī meñ shab-e-ġham kī sahar karne ko
Hijr vāloñ ne liyā raḳht-e-safar sannāTā
Kis se pūchhūñ ki kahāñ hai merā rone vālā
Is taraf maiñ hūñ mere ghar se idhar sannāTā
Tū sadāoñ ke bhanvar meñ mujhe āvāz to de
Tujh ko de gā mere hone kī ḳhabar sannāTā
Us ko hañgāma-e-manzil kī ḳhabar kyā do ge
Jis ne pāyā ho sar-e-rāh-guzar sannāTā
Hāsil kunj-e-qafas vahm ba-kaf tanhā.ī
Raunaq-e-shām-e-safar tā ba-sahar sannāTā
Qismat-e-shā'ir-e-sīmāb-sifat dasht kī maut
Qīmat-e-reza-e-almās-e-hunar sannāTā
Jaan 'Mohsin' merī taqdīr meñ kab likhā hai
Ḍūbtā chāñd terā qurb-e-gajar sannāTā
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں