سانسوں کے اس ہنر کو نہ آساں خیال کر — محسن نقوی
شاعر
سانسوں کے اس ہنر کو نہ آساں خیال کر
سانسوں کے اس ہنر کو نہ آساں خیال کر
زندہ ہوں ساعتوں کو میں صدیوں میں ڈھال کر
مالی نے آج کتنی دعائیں وصول کیں
کچھ پھول اک فقیر کی جھولی میں ڈال کر
کل یوم ہجر زرد زمانوں کا یوم ہے
شب بھر نہ جاگ مفت میں آنکھیں نہ لال کر
اے گرد باد لوٹ کے آنا ہے پھر مجھے
رکھنا مرے سفر کی اذیت سنبھال کر
محراب میں دیے کی طرح زندگی گزار
منہ زور آندھیوں میں نہ خود کو نڈھال کر
شاید کسی نے بخل زمیں پر کیا ہے طنز
گہرے سمندروں سے جزیرے نکال کر
یہ نقد جاں کہ اس کا لٹانا تو سہل ہے
گر بن پڑے تو اس سے بھی مشکل سوال کر
محسنؔ برہنہ سر چلی آئی ہے شام غم
غربت نہ دیکھ اس پہ ستاروں کی شال کر
Sāñsoñ ke is hunar ko na āsāñ ḳhayāl kar
Sāñsoñ ke is hunar ko na āsāñ ḳhayāl kar
Zinda hūñ sā'atoñ ko maiñ sadiyoñ meñ ḍhāl kar
Mālī ne āj kitnī du'ā.eñ vasūl kīñ
Kuchh phuul ik faqīr kī jholī meñ ḍāl kar
Kal yaum-e-hijr zard zamānoñ kā yaum hai
Shab bhar na jāg muft meñ āñkheñ na lāl kar
Ai gard-bād lauṭ ke ānā hai phir mujhe
Rakhnā mere safar kī aziyat sambhāl kar
Mehrāb meñ diye kī tarah zindagī guzār
Muñh-zor āñdhiyoñ meñ na ḳhud ko niḍhāl kar
Shāyad kisī ne buḳhl-e-zamīñ par kiyā hai tanz
Gahre samundaroñ se jazīre nikāl kar
Ye naqd-e-jāñ ki us kā luTānā to sahal hai
Gar ban paṛe to us se bhī mushkil savāl kar
'Mohsin' barahna sar chalī aa.ī hai shām-e-ġham
Ghurbat na dekh is pe sitāroñ kī shāl kar
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں