سارے لہجے ترے بے زماں ایک میں — محسن نقوی
شاعر
سارے لہجے ترے بے زماں ایک میں
سارے لہجے ترے بے زماں ایک میں
اس بھرے شہر میں رائیگاں ایک میں
وصل کے شہر کی روشنی ایک تو
ہجر کے دشت میں کارواں ایک میں
بجلیوں سے بھری بارشیں زور پر
اپنی بستی میں کچا مکاں ایک میں
حسرتوں سے اٹے آسماں کے تلے
جلتی بجھتی ہوئی کہکشاں ایک میں
مجھ کو فارغ دنوں کی امانت سمجھ
بھولی بسری ہوئی داستاں ایک میں
رونقیں شور میلے جھمیلے ترے
اپنی تنہائی کا رازداں ایک میں
ایک میں اپنی ہی زندگی کا بھرم
اپنی ہی موت پر نوحہ خواں ایک میں
اس طرف سنگ باری ہر اک بام سے
اس طرف آئنوں کی دکاں ایک میں
وہ نہیں ہے تو محسنؔ یہ مت سوچنا
اب بھٹکتا پھروں گا کہاں ایک میں
Sāre lahje tere be-zabāñ ek maiñ
Sāre lahje tere be-zabāñ ek maiñ
Is bhare shahr meñ rā.egāñ ek maiñ
Vasl ke shahr kī raushnī ek tū
Hijr ke dasht meñ kārvāñ ek maiñ
Bijliyoñ se bharī bārisheñ zor par
Apnī bastī meñ kachchā makāñ ek maiñ
Hasratoñ se aTe āsmāñ ke tale
Jaltī bujhtī huī kahkashāñ ek maiñ
Mujh ko fāriġh dinoñ kī amānat samajh
Bhūlī bisrī huī dāstāñ ek maiñ
Raunaqeñ shor mele jhamīle tere
Apnī tanhā.ī kā rāz-dāñ ek maiñ
Ek maiñ apnī hī zindagī kā bharam
Apnī hī maut par nauha-ḳhvāñ ek maiñ
Is taraf sang-bārī har ik bām se
Is taraf ā.īnoñ kī dukāñ ek maiñ
Vo nahīñ hai to 'Mohsin' ye mat sochnā
Ab bhaṭaktā phirūñgā kahāñ ek maiñ
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں