ترے بدن سے جو چھو کر ادھر بھی آتا ہے — محسن نقوی
شاعر
ترے بدن سے جو چھو کر ادھر بھی آتا ہے
ترے بدن سے جو چھو کر ادھر بھی آتا ہے
مثال رنگ وہ جھونکا نظر بھی آتا ہے
تمام شب جہاں جلتا ہے اک اداس دیا
ہوا کی راہ میں اک ایسا گھر بھی آتا ہے
وہ مجھ کو ٹوٹ کے چاہے گا چھوڑ جائے گا
مجھے خبر تھی اسے یہ ہنر بھی آتا ہے
اجاڑ بن میں اترتا ہے ایک جگنو بھی
ہوا کے ساتھ کوئی ہم سفر بھی آتا ہے
وفا کی کون سی منزل پہ اس نے چھوڑا تھا
کہ وہ تو یاد ہمیں بھول کر بھی آتا ہے
جہاں لہو کے سمندر کی حد ٹھہرتی ہے
وہیں جزیرۂ لعل و گہر بھی آتا ہے
چلے جو ذکر فرشتوں کی پارسائی کا
تو زیر بحث مقام بشر بھی آتا ہے
ابھی سناں کو سنبھالے رہیں عدو میرے
کہ ان صفوں میں کہیں میرا سر بھی آتا ہے
کبھی کبھی مجھے ملنے بلندیوں سے کوئی
شعاع صبح کی صورت اتر بھی آتا ہے
اسی لیے میں کسی شب نہ سو سکا محسنؔ
وہ ماہتاب کبھی بام پر بھی آتا ہے
Tere badan se jo chhū kar idhar bhī aatā hai
Tere badan se jo chhū kar idhar bhī aatā hai
Misāl-e-rañg vo jhoñkā nazar bhī aatā hai
Tamām shab jahāñ jaltā hai ik udās diyā
Havā kī rāh meñ ik aisā ghar bhī aatā hai
Vo mujh ko tūṭ ke chāhegā chhoṛ jā.egā
Mujhe ḳhabar thī use ye hunar bhī aatā hai
Ujāṛ ban meñ utartā hai ek jugnū bhī
Havā ke sāth koī ham-safar bhī aatā hai
Vafā kī kaun sī manzil pe us ne chhoṛā thā
Ki vo to yād hameñ bhūl kar bhī aatā hai
Jahāñ lahu ke samundar kī had Thahartī hai
Vahīñ jazīra la'l o gauhar bhī aatā hai
Chale jo zikr-e-farishtoñ kī pārsā.ī kā
To zer-e-bahs maqām-e-bashar bhī aatā hai
Abhī sanāñ ko sambhāle raheñ adū mere
Ki un safoñ meñ kahīñ merā sar bhī aatā hai
Kabhī kabhī mujhe milne bulandiyoñ se koī
Shu'ā'-e-sub.h kī sūrat utar bhī aatā hai
Isī liye maiñ kisī shab na so sakā 'Mohsin'
Vo māhtāb kabhī bām par bhī aatā hai
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں