اجڑے ہوئے لوگوں سے گریزاں نہ ہوا کر — محسن نقوی
شاعر
اجڑے ہوئے لوگوں سے گریزاں نہ ہوا کر
اجڑے ہوئے لوگوں سے گریزاں نہ ہوا کر
حالات کی قبروں کے یہ کتبے بھی پڑھا کر
کیا جانئے کیوں تیز ہوا سوچ میں گم ہے
خوابیدہ پرندوں کو درختوں سے اڑا کر
اس شخص کے تم سے بھی مراسم ہیں تو ہوں گے
وہ جھوٹ نہ بولے گا مرے سامنے آ کر
ہر وقت کا ہنسنا تجھے برباد نہ کر دے
تنہائی کے لمحوں میں کبھی رو بھی لیا کر
وہ آج بھی صدیوں کی مسافت پہ کھڑا ہے
ڈھونڈا تھا جسے وقت کی دیوار گرا کر
اے دل تجھے دشمن کی بھی پہچان کہاں ہے
تو حلقۂ یاراں میں بھی محتاط رہا کر
اس شب کے مقدر میں سحر ہی نہیں محسنؔ
دیکھا ہے کئی بار چراغوں کو بجھا کر
Ujṛe hue logon se gurezaan na hua kar
Ujṛe hue logon se gurezaan na hua kar
Haalaat ki qabron ke ye kutbe bhi paṛha kar
Kya jaaniye kyun tez hawa soch mein gum hai
Khwaabida parindon ko darakhton se uṛa kar
Us shakhs ke tum se bhi maraasim hain to honge
Wo jhooṭ na bolega mere saamne aa kar
Har waqt ka hansna tujhe barbaad na kar de
Tanhai ke lamhon mein kabhi ro bhi liya kar
Wo aaj bhi sadiyon ki musaafat pe khaṛa hai
Dhoonḍha tha jise waqt ki deewaar gira kar
Ae dil tujhe dushman ki bhi pehchan kahan hai
Tu halqa-e-yaaraan mein bhi mohtaat raha kar
Is shab ke muqaddar mein sahar hi nahin Mohsinؔ
Dekha hai kai baar charaghon ko bujha kar
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں