اجڑ اجڑ کے سنورتی ہے تیرے ہجر کی شام — محسن نقوی
شاعر
اجڑ اجڑ کے سنورتی ہے تیرے ہجر کی شام
اجڑ اجڑ کے سنورتی ہے تیرے ہجر کی شام
نہ پوچھ کیسے گزرتی ہے تیرے ہجر کی شام
یہ برگ برگ اداسی بکھر رہی ہے مری
کہ شاخ شاخ اترتی ہے تیرے ہجر کی شام
اجاڑ گھر میں کوئی چاند کب اترتا ہے
سوال مجھ سے یہ کرتی ہے تیرے ہجر کی شام
مرے سفر میں اک ایسا بھی موڑ آتا ہے
جب اپنے آپ سے ڈرتی ہے تیرے ہجر کی شام
بہت عزیز ہیں دل کو یہ زخم زخم رتیں
انہی رتوں میں نکھرتی ہے تیرے ہجر کی شام
یہ میرا دل یہ سراسر نگارخانۂ غم
سدا اسی میں اترتی ہے تیرے ہجر کی شام
جہاں جہاں بھی ملیں تیری قربتوں کے نشاں
وہاں وہاں سے ابھرتی ہے تیرے ہجر کی شام
یہ حادثہ تجھے شاید اداس کر دے گا
کہ میرے ساتھ ہی مرتی ہے تیرے ہجر کی شام
Ujaṛ ujaṛ ke sañvartī hai tere hijr kī shām
Ujaṛ ujaṛ ke sañvartī hai tere hijr kī shām
Na pūchh kaise guzartī hai tere hijr kī shām
Ye barg barg udāsī bikhar rahī hai merī
Ki shāḳh shāḳh utartī hai tere hijr kī shām
Ujāṛ ghar meñ koī chāñd kab utartā hai
Savāl mujh se ye kartī hai tere hijr kī shām
Mere safar meñ ik aisā bhī moṛ aatā hai
Jab apne aap se ḍartī hai tere hijr kī shām
Bahut azīz haiñ dil ko ye zaḳhm zaḳhm riteñ
Inhī ritoñ meñ nikhartī hai tere hijr kī shām
Ye merā dil ye sarāsar nigār-ḳhāna-e-ġham
Sadā isī meñ utartī hai tere hijr kī shām
Jahāñ jahāñ bhī mileñ terī qurbatoñ ke nishāñ
Vahāñ vahāñ se ubhartī hai tere hijr kī shām
Ye hādsa tujhe shāyad udās kar de gā
Ki mere sāth hī martī hai tere hijr kī shām
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں