وہ دلاور جو سیہ شب کے شکاری نکلے — محسن نقوی
شاعر
وہ دلاور جو سیہ شب کے شکاری نکلے
وہ دلاور جو سیہ شب کے شکاری نکلے
وہ بھی چڑھتے ہوئے سورج کے پجاری نکلے
سب کے ہونٹوں پہ مرے بعد ہیں باتیں میری
میرے دشمن مرے لفظوں کے بھکاری نکلے
اک جنازہ اٹھا مقتل میں عجب شان کے ساتھ
جیسے سج کر کسی فاتح کی سواری نکلے
ہم کو ہر دور کی گردش نے سلامی دی ہے
ہم وہ پتھر ہیں جو ہر دور میں بھاری نکلے
عکس کوئی ہو خد و خال تمہارے دیکھوں
بزم کوئی ہو مگر بات تمہاری نکلے
اپنے دشمن سے میں بے وجہ خفا تھا محسنؔ
میرے قاتل تو مرے اپنے حواری نکلے
Wo dilawar jo siyah shab ke shikaari nikle
Wo dilawar jo siyah shab ke shikaari nikle
Wo bhi chaṛhte hue suraj ke pujaari nikle
Sab ke honṭon pe mere baad hain baaten meri
Mere dushman mere lafzon ke bhikaari nikle
Ek janaza uṭha maqtal mein ajab shaan ke saath
Jaise saj kar kisi fateh ki sawaari nikle
Hum ko har daur ki gardish ne salaami di hai
Hum wo patthar hain jo har daur mein bhaari nikle
Aks koi ho khud-o-khaal tumhare dekhun
Bazm koi ho magar baat tumhari nikle
Apne dushman se main be-wajah khafa tha Mohsinؔ
Mere qaatil to mere apne hawaari nikle
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں