زباں رکھتا ہوں لیکن چپ کھڑا ہوں — محسن نقوی
شاعر
زباں رکھتا ہوں لیکن چپ کھڑا ہوں
زباں رکھتا ہوں لیکن چپ کھڑا ہوں
میں آوازوں کے بن میں گھر گیا ہوں
مرے گھر کا دریچہ پوچھتا ہے
میں سارا دن کہاں پھرتا رہا ہوں
مجھے میرے سوا سب لوگ سمجھیں
میں اپنے آپ سے کم بولتا ہوں
ستاروں سے حسد کی انتہا ہے
میں قبروں پر چراغاں کر رہا ہوں
سنبھل کر اب ہواؤں سے الجھنا
میں تجھ سے پیشتر بجھنے لگا ہوں
مری قربت سے کیوں خائف ہے دنیا
سمندر ہوں میں خود میں گونجتا ہوں
مجھے کب تک سمیٹے گا وہ محسنؔ
میں اندر سے بہت ٹوٹا ہوا ہوں
Zabaan rakhta hoon lekin chup khaṛa hoon
Zabaan rakhta hoon lekin chup khaṛa hoon
Main aawaazon ke ban mein ghar gaya hoon
Mere ghar ka dareecha poochhta hai
Main saara din kahan phirta raha hoon
Mujhe mere siwa sab log samjhen
Main apne aap se kam bolta hoon
Sitaaron se hasad ki intiha hai
Main qabron par charaghan kar raha hoon
Sambhal kar ab hawaaon se ulajhna
Main tujh se peshtar bujhne laga hoon
Meri qurbat se kyun khaayaf hai duniya
Samundar hoon main khud mein goonjta hoon
Mujhe kab tak sameṭega wo Mohsinؔ
Main andar se bahut tooṭa hua hoon
شاعر کے بارے میں
سید محسن نقوی (اصل نام: سید غلام عباس نقوی) اردو کے ان ممتاز اور اثر انگیز شعرا میں شمار ہوتے ہیں جنہوں نے مختصر عمر میں گہرا اور دیرپا ادبی نقش چھ...
مکمل تعارف پڑھیں