باغ سارا تو بیاباں نہ ہوا تھا سو ہوا — محسن زیدی
شاعر
باغ سارا تو بیاباں نہ ہوا تھا سو ہوا
باغ سارا تو بیاباں نہ ہوا تھا سو ہوا
جو خزاں کا کبھی احساں نہ ہوا تھا سو ہوا
ہم تو بیدار ہوئے خواب سے اپنے لیکن
وہ بھی خوابوں میں پریشاں نہ ہوا تھا سو ہوا
ہم بھی کچھ سوچ کے کر بیٹھے بالآخر شکوہ
وہ بھی پہلے تو پشیماں نہ ہوا تھا سو ہوا
مشعلیں سر کی سجائی گئیں طشت زر میں
کب سے مقتل میں چراغاں نہ ہوا تھا سو ہوا
سفر جاں کی ہوئی اب کہیں جا کر تکمیل
یعنی میں بے سر و ساماں نہ ہوا تھا سو ہوا
دیکھتے دیکھتے آ پہنچا سروں تک پانی
اب تک اندازۂ طوفاں نہ ہوا تھا سو ہوا
دوستو میں جو تعلق تھا وہ باقی نہ رہا
دشمنوں میں کوئی پیماں نہ ہوا تھا سو ہوا
اور کیا مجھ کو صلہ ملتا خلوص دل کا
ہدف تہمت یاراں نہ ہوا تھا سو ہوا
دشت میں ابر تو برسا وہ دو اک بوند سہی
پہلے اتنا بھی تو امکاں نہ ہوا تھا سو ہوا
محسنؔ اچھا ہی ہوا اس نے الٹ دی جو نقاب
رنگ اس کا جو نمایاں نہ ہوا تھا سو ہوا
Baagh Saara To Bayaabaan Na Hua Tha So Hua
Baagh saara to bayaabaan na hua tha so hua
Jo khizaan ka kabhi ehsaan na hua tha so hua
Hum to bedaar hue khwaab se apne lekin
Woh bhi khwaabon mein pareshaan na hua tha so hua
Hum bhi kuchh soch ke kar baithe bil aakhir shikwa
Woh bhi pehle to pashemaan na hua tha so hua
Mash'alein sar ki sajaai gayin tasht-e-zar mein
Kab se maqtal mein charaaghaan na hua tha so hua
Safar e jaan ki hui ab kahin jaa kar takmeel
Ya'ani main be-sar-o-saamaan na hua tha so hua
Dekhte dekhte aa pohncha saron tak paani
Ab tak andaaza e toofaan na hua tha so hua
Dosto mein jo ta'alluq tha woh baaqi na raha
Dushmanon mein koi paimaan na hua tha so hua
Aur kya mujh ko sila milta khuloos e dil ka
Hadaf e tohmat e yaaraan na hua tha so hua
Dasht mein abr to barsa woh do ik boond sahi
Pehle itna bhi to imkaan na hua tha so hua
Mohsinؔ achha hi hua us ne ulat di jo naqaab
Rang us ka jo numayaan na hua tha so hua
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں